وهادي مجموعه من عندي
( ودي أبكي)
ودي أبكي لين ما يبقى دموع
ودي أشكي لين ما يبقى كلام
من جروحاً صارت بقلبي تلوع
ومن هموم حرمت عيني المنــام
أنطفت في دنيتي كل الشموع
والهناء ما يوم في دنيــاي دام
غربتي طالت متى وقت الرجوع
كل عام أمني أحلامي بـــعـــــام
أن شكيت الحال محد(ن)لي سموع
وأن سكت الناس زادوني مـــلام
طال صبري والزمن عيه يطوع
والرجاء باللي عيونه ماتنــــــام
..( انا أتحداكـ )..
انا أتحداك لو تقدر ..
تخرج احساسك من اجوائي
شوف بعدي عنك وأتصور ..
من حياتك تفقد أجزائي
دام أحاسيسي هي المصدر ..
كيف تحيى بموقعٍ نائي
من يشوفك غصب يتخدر ..
فاتنٍ وأسلوبك اغرائي
بعينك أتجمع وأتبعثر ..
من يجمع خلي أشلائي
يحق لك في جو تسيطر ..
وتتخذ فيه أية اجرائي
مااعتقد في دنيتي أخطر ..
من حظورك بين الأسمائي
ما أكتفيت بزينة المظهر ..
فايز بأشياء وأشيائي
من دبي وجوها المبهر ..
استلم شعري وامضائي
انت آمر يا الغلا أشر ..
يا سفر هالكون واضوائي
بر ولا ردني ابحر ..
لأجل عينك صرت برمائي
..( دام ماهمك بعادي )..
دام ماهمك بعادي
ليش بيهمني وجودك 00
صرت عندي شخص عادي
صرت متعمد صدودك 00
جو حبك كان هادي
لين ما بانت رعودك 00
واشعلت نار الوقادي
يوم خانت بي وعودك 00
انت ليه بالظلم بادي
ياما عذبني جحودك 00
لاتحسب اني بنادي
ما أبي اسمع ردودك 00
انتهى ذاك الودادي
لا يرد ولا يوعودك 00
مابتغرلي فؤادي
لا ولا بحمرة خدودك 00
..( غضت عيونك )..
غضت عيونك ولا غضت..
عين من حبك وهاذابك ..
انت ياللي روحك تهنت
يامتى روحي تتهنى بك ..
الجوارح كلها حنت..
ظامية تبكي على بابك ..
تخفي الاسرار ما دلت
هايمة نفسي وتشقى بك ..
ماعرفت وكيف لك أثبت
حبي اللي ماقوى اعتابك ..
شافتك عيني من ثم سمت
لو شحيح الحظ ما يابك ..
إن تمنت عيني تمنت
ماتمن غير تحظى بك ..
لو تسلت عنك ماتسلت
وان غفت بالنوم تصحى بك ..
القوافي باسمك اتغنت
مايموت الشعر يحى بك ..
منك ما ملت ولا كلت
دام تسكن صفحة كتابك ..
لو سنين أيامنا مرت
لو يشيب الصبر بغيابك ..
لو دموع ايامنا هلت
لاتبكي عينك أهدابك ..
نار شوقي بالحشى شبت
ما انطفت والروح تدفى بك ..
ماتلبي لغيرك ولبت
يامنادي قلبي يسرى بك ..
لو سيوم العاذل انسلت
ينهزم والشر ما صابك ..
لك سيوفي دونها مدت
موت عذالي واحيا بك ..
كم عين وعين لك دلت
والأسد سيد على غابك ..
شوف ياسات الأمل ضوت
حاسدي من وصلك يهابك ..
(توصي شي)
توصي شي انا بكرى مسافر..
وابي الليله اسافر قبل باكر ولكن..
قبل مارحل ودي تعرف ترى موتي ولا موت المسافر
****
أنا رتبت جرحي مع ثيابي..
واخذت احزاني والامي تذاكر..
يروح العمر ماراحت همومي
صحيح اللي يقول الهم كافر
****
خساره انت والدنيا عليا..
تكابر والزمن مثلك يكابر..
حبيبي كل من حولي ظلمني
وتبغاني بعد هذا مسافر..
(أمـــانه)
لاتعاند عنادك في عنادك عنادي..
عطني قلبك ياقلبي حط قلبي مكانه..
حس نبضه بيوفك واسمعه بك ينادي
يحفظه ياحبيبي وسط صدرك أمانه..
****
الامانه امانه والامانه فؤادي..
به تهنى ياعمري وارتوي من حنانه
أنت ياللي هويتك حل م واقع مرادي
صافي الود صافي ماتعرف الخيانه
****
قبل أحبك وأشوفك كل شي كان عادي..
كل شي بعيني كنت مرخص بشانه
بك عرفت المحبه وصار قلبك بلادي
ومن سكن في خفوقك به يلاقي كيانه..
****
قلت باخفي المحبه قلت بلجم جوادي
وأثره الحب جامح من يروض حصانه
ومن يظن المحبه جوها جو هادي
أشهد انه يماري في زمانه زمانه
****
(تحـــــدوه البشــــر)
تحدوه البشر كلهم وصارو
ضده بالهوى والله صاروا
ولا همه حبيبي..
حبيبي ومهما صارو الناس ضده..
تحداهم وحط ايدي بيده..
ولا همه حبيبي..
أبيك وما ابيهم,,
ولا غيرك سكن قلبي وعيني..
حبيبي عود ليه..
وجودك عندي بالدنيا ياغالي..
ورسمك ساكن بقلبي وخيالي
ولا غيرك حبيبي..
ترى مهما بعادك عني طول..
ابصبر لجلك انت واتحمـــل..
وترجع لي حبيبي..
(سافرت عنك)
سافرت عنك وخافقي معك
ياسيدي عندك امانه
ماطاع يالغالي يوعدك
يرحل معي ويترك مكانه
خله معاك يسهر ويسمعك
خله يسامرك بحنانه
واذا الوله والشوق لوعك
بتشوف طيفي في عيانه
لو شفت عني البعد يمنعك
لو طول غيابي زمانه
لالاتبكي بيوم مدمعك
ماهو علشاني عشانه
بكرى الليالي بيتجمع
يانبض قلبي ياكيانه
راجع لدنيا فرحتي معك
راجع وعندي لك امانه
(اسافر عنك)
اســـافر عنك وتســـافر معـــايـا ترافقنــي في حلــي وارتحالي
اغيـب واتــــرك العــالم ورايــا ولااحــمل غيرطيفك في خيالي
وجــوه النــاس في الغربه مرايا تصــور صورتك دايم في بالي
وانسى غربتـي وانســى عنـــايا واحس انك معي ماهوب لحالي
مثـــل مـــالك في هالدنيا ســوايا انا مـــــالي سواك انسان غالي
لانـــــك اول واخــــر منـــايــــا واول حب لـــــي واخر وتالي
حبيبـــي عدت لك شايل وفــــايا وشوقي وفرحتي ولهفة سؤالي
هل انت اشتقت لي وشاقك هوايا كثـــــر شوقـــي بذيك الليـــالي
(وش فيه باااالك بعيد)
وش فيه بالك بعيد وجالس تفكر
بدري على الحزن توك في بدياتك
لاتحسب الوقت الـي فاتك وتتذكر
عمر الندم مايرد الوقت الــي فاتك
لاتترك الدمع فــوق الخد يتحدر
حاسب ترا كل عمــري فوق وجـناتك
يانـور عيني مادام العيــن بك تنظر
حـــرام تبــخل على خـــلك بنظراتك
ماشفت كيف القمر عقب الظلام انـور
بالظبط نفس الشعور ان شفت بسماتك
وان كان في خاطرك حاجه علي ابشر
والله لاســوق العمـــر كله لمرضاتك
ماتدري انــك اذا تكدرت انــــا اتــكدر
وافـرح لجل فرجتك واشره لشـرهاتك
عودتني على السهر وامسيت ماتسهـر
ماغير طيفـــك يعوضني بسـهـراتك
احـلى سنين العـــمر بلقياك تتـعطر
يادنيتي وابـــرك السااعات ســاعاتك
يمر طيفك واضمك وارجــع استغفــر
وارد اشوفــــك واقـــول الله محــلاتك
..( حبيت أسلم عليك )..
حبيت أسلم عليك وآخذ أخبارك
وأذكرك بالغرام اللي تناسيته..
وأعلمك أني باقي حافظ أسرارك
حفرت له داخل عيوني وخبيته ..
لا قلت بكرى بتمطر شحت أمطارك
ذاب غصن المحبة وانت مارويته ..
غيري سكن جنك وأسكنتني نارك
حتى اللي مايستوي وياك سويته ..
ويش أسوي بقلبٍ ساكن دارك
جاك بيتك وعاف قلوب في بيته ..
خيرت نفسي مابين الناس واختارك
لا قلت يا قلب ابعد قال حبيته ..
..( الله كريم )..
الله كريم الله كريم يهون الجرح الأليم
لا صار ماطاع الزمان خلك على الدنيا حليم ..
هونها بالصبر تهون ماهو غريبة من يخون
صار الوفا في هالزمان محدٍ اذا قاله يصون ..
ياما في هالدنيا قلوب تخدع ولا يمكن تتوب
إن جيتهم انت الحبيب وان رحت حطو بك عيوب ..
مدامت الدنيا تدور خلك على الشدة صبور
اصبر وقول الله كريم يبدل الحزن بسرور ..
..( مايهم)..
مايهم زعلت والا رضيت
مايهم ضحكت والا بكيت ..
المهم اني عطيتك قصتي وهذي الحقيقه
ماخدعتك مانكرتك مانسيتك ولا قيقه ..
لا تحاول تنثر دموعك عشان اعطف عليك
هذاك اول اناديك انته محبوبي ..
وانا حالف الخطا مايتكرر وابن ادم ماتعود
ينجرح بالمحبه مرتين ..
لا تسأليني بعد ماخنتي وش غير الاوضاع
هذاك اول اناديك انته محبوبي ..
وانا حالف الخطا مايتكرر
وابن ادم ماتعود ينجرح بالمحبا مرتين ..
..( حكمة )..
حكمه وقالها حكيم
الوقت ماله لزيم ..
اللي يحبك مره
حبه كذا مره ..
صعبه تلاقي احباب
مابينهم جذاب ..
الحب يابن الناس صدق وعطا واحساس
اصدق مع من حب وابني معاه الساس ..
صعبه تلاقي احباب
مابينهم كذاب ..
لا اتأمن الاسرار الا للي يغار
يخشى ويخاف عليك من كلمة البذار ..
صعبه تلاقي احباب
مابينهم كذاب ..
..( غالي )..
غالي علي وأغلى من نور عيني
ومن الغلا لاشافني صد عني
يصد عني ثم يرجع يبيني
محلا دلاله ليمن تمايل يغني
يحبني وان غبت عنه يجيني
يشكيلي الواشين والحاسديني
هذي عوايد صاحبي يمتحني
مايدري انه في هواك مبتليني
واني الا شفته يتزايدلي حنيني
..( سيد الغواني )..
سيد الغواني حبه سقاني
حلو الغرام يالأسمراني
نوره هما ورمش رما
فز قلبي وسباني
يالأسمراني
ريم خلاني مر وحياني
سلم سلام وفرح زماني
بنظر روى غصن الهوى
ريقه عذب السواني
ياالأسمراني
تسع وثماني بدر الزماني
حبه الله الله الله بلاني
أهلا هلا ضبي الفلا
ايدي بيده أماني
..( جتني تقلي )..
جتني تقلولي ما أبي غيرك
عطني المحبه وكل تفكيرك
دار الزمان واعرفت منهو انا
بعد ما حل على الفرقا سنه
باقي حياتي عشت وحداني
ضاع العمر من كثرت احزاني
هذا نصيبي وربي اشقاني
باللي تركني ورد من ثاني
أنا عزيز النفس يافلانه
ما اعطي قليبي للذي خانه
بعد الجفا قلتيلي غلطانه
ش الفايده ياهيه ندمانه
..( طال إنتظاري )..
طال انتظار ياحبيبي برجواك وسر الهوى بأقصى ضميري كتمته
غيم سمى حبي بهجرك ولاماك بين الرجا والياس روحي قسمته
والله لو طال الهجر ما اتناساك من أجلكم شعر شعوري نظمته
سبحان رب الخلق ياكيف سواك صافي جمالك التزمك ولزمته
ارحم محب من سنينه ترجاك هجرك وبعدك في حياته صدمته
..( القضيه )..
القضيه القضيه شفت منك الاذيه أشوى قلبي من الحب تاب وشلي انا وش للعذاب
دوخه وشاكل وشلي انا خلني اعيش لحظة هنا أنسى الاذيه والهموم الدنيا ماتضمن تدور
الحب قلبي مايفهمه حسبي على اللي اوهمه بعدي صغير بعد صغير لازم ارفض هذا الصير
سهرت وتعبت حتى انعميت وانت نايم مادريت وش انتظر منك بعد غير ابتعد وهذا وعد
اتمنى تعجبكم وانتظرو المزيد
نصور 
العرض العادي
