علميني....وش بغيتي ...يوم جيتي ...في حلومي...؟
تسأليني وتجرحيني....وتحرجيني بالسؤال...
عن سبب همي وحزني...وعن غرامي للكتابه...؟
آآآآآآآآه يمه لو عرفتي.....سر حزني والكآبه...
وعن غرامي للكتابه...كان خفتي وانجرحتي...
ثم هطل من عيونك...دمعتين فوق خدك...ثم سكن بك عبرتين في وريدك..
وأرتكب أعظم جريمه.....في حقوق الوالدين...
أي نعم أكبر جريمه...
هي نزول دموع عينك...والسبب فيها ضنينك...
سامحيني...ماقدر أحكي...واشتكي لك...
عن سبب همي وحزني...وعن غرامي للكتابه...
رغم قربك من خفوقي...وحبك اللي في عروقي...بس...؟
ما قدر اشكي لك..
واتسبب في دموعك... ويتبين لي خضوعك للحزون...
والسبب فيها ظنينك...
سامحيني...ماقدر احكي ...واشتكي لك...
عن سبب همي وحزني...والكآبه...
دام مابي من جروح...ابلغ..ابلغ من كلامي..
ودام مابي من ملامح...بينت لك..بعض هم(ن) قد سكني...
ناظري جفني...وشوفي...ماسكن به...من مآسي..
ولا يغرك كل ضحكي...والسوالف..صدقيني...
كلها كذب(ن)رسمته ...في سما وجهي يلوح..
للحزن فيني متاهه...وانتي اكثر من عرفني...
واكتم آآآآلامي....وحزني...بالسوالف والمزوح...
إلى هنا يمه طلبتك...ماقدر اكمل حديثي.....
والدموع اللي بعيونك...راقصت زاهي خدودك...
سامحيني...ماقصدت أذل دمعك...ولا قصدت اشكي جروحي...
وانتي اكثر من عرفني...ما عصيتك...ماجفيتك...وأقسم بربي...
ياأطهر من خلق فوق البسيطه...
لو تبين...امد وجهي تحت رجلك...ماعصيتك..
ولو تبين...اعطيك من عمري ...ما ذخرته...دامك امي..
دامك انتي من تحت حافي قدمها....جنه الخلد العظيمه...
وانتي اللي من رضاها...ارضيت ربي...
يمه انتي من خلق معها الطهاره...
انتي...انتي من ملائكه الاوادم..
انتي يمه...
ويش ...اوصف...ضاع وصفي ...في وصفك..يعلم الله...
واستحىبالوصف حرفي...وخاف حرفي..لو تغنى في وصوفك..
مايوصف كل وصفك.........سامحيني..
وسامحي حرف(ن)تعذر...ماقدر يوفي وصوفك...
وسامحيني...لوعيونك يوم هلت... من دموعك...
سامحيني...سامحيني...سامحيني.
منقول.
>>>>>>>><<<<<<<<
تمنيت ان اكون انا من سطر هذا الاحساس النادر للام ..
احببت أن تشاركوني قرآه كلمات نادره كهذه.
دموع الفل.
العرض الشجري
