.
ياحياتي لك بقلبي كبر هالدنيا محل انسي النسيان والغم وابعدي عنك الزعل
ياحياتي آه من عينك لها فعل السحر كم تغنيت ابجمالك ..تاه عقلي والفكـــــر
ياحياتي كم مضى من عمر عمري والسنين بعد ما شفتك تفتح في عيوني الياسمين
ياحياتي كيف أيامي بدونك تنقضي وانت ايامك بدوني سرعها ماتنتهي
ياحياتي راحت الأعوام قولي ش العمل ياحياتي ذوقيني شهد حبك ماكمل
ياحياتي ليش مالي في حياتك مستقر كم تمنيت امتلك قلبك وحسك والعمر
ياحياتي يكفي الماضي وأمسي المستكين ليت ايامي تلاشت قبل هجرك والحنين
ياحياتي فكري بي ..فكري بي..فكري وابعدي عنك الظنون اللي بها جوفك ملي
ياحياتي وين حبك وين عشقك والخجل وين نورك وين شمسك وين دفئك والأمل
ياحياتي دمع عيني من بعادك منهمر نور طيفك نهر حبك في عروقي مستمر
ياحياتي ليش من همي وحزني تضحكين ليش انا منك اقارب وانتي عني تبعدين
ياحياتي ناظريني وارحمي خل وفي انقضى عمره بحبك ..ياحياتي ناظري
ياحياتي كم نبض قلبي بحبك وانتشل من شراييني بقايا حب غيرك واشتعل
ياحياتي لو حصيتي رمل شطئان االبحر حب قلبي كثرها.. لو بعد زدتي الدرر
ياحياتي احملي دنياك هذي باليدين حب قلبي كبر هالدنيا بمره..مرتين
ياحياتي اختم ابياتي واصلي عالنبي عد ما تطلع عليه الشمس ظاهر او خفي
وسلامتكم
.
عبدالرحمن المرشد ( امير الحب )
العرض العادي
