صباح اول يوم بالدراسه ودحدوح منبطح على فراشه وواعي بس مايقوى يقوم من سمنته وتخل امه وتفتح صفقتين باب غرفته عشان ما ينشب وتدربيه امه لين يوقف على رجليه وتروح المطبخ تجهز الفطور ودخل دحدوح حمامه الخاص اللي كل جدرانه مرايات طوال لأن الضعيف مايقوى يشوف إلا يدينه في مراية المغسله وكم مره راح المدرسه بدون سروال بس عقب هالمرايات ودحدوح ساتر عمره
ويغسل وجهه في المغطس
ويمسحه بالبطانيه
ويروح يلبس ويحط الشنطه في مخباه
ويدرع للمطبخ ويفطر مع اخوانه
ويشرب غضارة حليب
وتعطيهم امهم الفسحه صامولي وريال ودحدوح 10 ريال وصامولي من الصامولي الفرنسي الطويل
ويطلع مع اخوانه عند الباب يستنون السواق ويقشمون فصفص ودحدوح يقشم جوزهند
ويجي السواق بونيت ابوغمارتين ويركبون دحدوح في الصندوق ويودونه اول واحد عشان يخف الثقل وعشان ما يفشل اخوانه
ويدخل المدرسه ويركض من الفرحه والبزران ينبطحون يحسبونه زلزال ويصفون طابور ودحدوح يصف لحاله ودخلو الفصول ومسك الوكيل المكرفون وقال:اسمع يادحدوح حنا قبلناك تدرس عندنا عقب ماوقع ابوك على ورقه انك ماتستعمل حمامات المدرسه عشان مانتوهق بعدك ولاتركض عشان ما تتصدع جدران المدرسه ولا تخل الفصل لان ماعندنا كرسي يشيلك بس تقدر تتابع الدرس من ورا الشباك
ويدربي راسه ابو الدحاديح وهو مايدري وش السالفه وجت الفسحه ويطلع صاموليته ويعرم منها ويروح نصها والبزران يصفون وراه يحسبونه المقصف ويستانس يحسبهم يلعبون معه قطار ويركض بهم ويقول طووووووووووط00 طوووووووووط وترتج المدرسه والمدير طاح من كرسيه ويتوزى تحت الطاوله يحسبه زلزال
ويطلع جني من تحت دحدوح يقول :انت يا التفخ ازعجتنا وازعجت عيالنا كانك مطول علمنا نشد من تحتكم
ويصيح المدير وش فيه وش صار وعلمه واحد من الطلاب بالسالفه ويصارخ المدير بأعلى صوت انت
مفصووووووووووووووووووووووووووووووووول
ويطلع دحدوح وهو ضايق صدره ويطالع المدرسه من برا والدمعه ناشبه مانزلت من خدوده ويجي سيلاني معه هلل ويدور على دحدوح يدور الباب يحسبه كبينه تلفون وهو اللي يمسك السيلاني ويكمخه في الشبك وطاح مغشي عليه ويروح دحدوح البيت وهو متضايق ويسألونه اهله هاه يادحدوح شخبار المدرسه ومن القهر يقوم ويتوطى في بطن كل من سأله عن المدرسه يعني ان كل اهله راحوا فيها
====================
انشاءالله ان القصه عجبتكم؟؟؟؟؟؟؟؟
العرض العادي
