( *هذه قصيدة غزليه تعتبر آخر مافاضت به مشاعري * )
أبتهـــج ياقصيدي وأترك الحزن وتعـــــــــــال
مابقـــــى فالعمر شيٍ يحمل الصـمت الطويـل
لك علي أرضــــي غرورك في صعيبات المنال
هاذي الأبيــــــات عنـــــدك أختر القـاف الثقيل
وأزعج الدنيا بصــــــــوتٍ تسمعه حتى الجبال
وأنثـر أســــــرار الخوافي ماوراك إلا الـرحيل
مرت البـــــــــــارح سحابه بسألك عنها سؤال
أمطرت داخل حشـــاي وخلــت أحساسي يسيل
يوم ناظــــــــــــــرت فيها من يمين ومن شمال
مـــالمــــحت ألها بروق ولاسمعت ألها صهيل
أقبــــــــــــلت يمــــي خجوله وأستهلت بالعدال
كنها يـوم هلت فــــــــــــــزعة إنســــان أصيل
كنهــــا شمس تعذب عند لحظــــــــــات الزوال
نورهـــــــا بالصبح شامخ أنكسر وأمسى ذليل
كنهــــا حد وراه ينتهــــــــــــــــــــي كل الجمال
كنهـــا وش كنها كــــــــــــــــــــــل ماقلته قليل
يـــــــــــــــــــوم غلق مطرها قلت يابنت الحلال
الهــــوى دربـــــــــــه صعيب ولازم لدربه دليل
كيــــــف جيتيني وأنـــا اللي ساكنٍ فوق الخيال
من مشى دربـــــي تنحى وأعتــرف بالمستحيل
عاشق الأحلى
العرض الشجري
