الاتحاد - الهلال ،، بعد التزبـيط والتنمـيق ،، تعالوا شوفوا اش صار من خلف الكواليس !

[قـمـ الــود ـري]

	ســلام عليــكم معليــش عالغــياب اخواني والغايب عذره معاهـ ،، عالطــاير ،، من خلف الكواليس اش صار في مباراة الاتحــاد والهــلال الاسبوع الماضي طبعا صارت حاجات كثيره كثيره جدا لو قلناهــا كلهـ ،، حنطــير بس حنحــاول نــأخذ المهم المهم بسم الله 1/ ما قبــل المباراه حضور جماهــيري فاجئني بصراحه الحضور الاتحــادي الي كنت اتوقعه واللي عشانه جيت قبل المغرب الملعب اتفاجأت بيه تماما والحضور ما بيض الوش الا قبل المباراه بــربع ساعه بس @ حضور ( هلالــي ) في الجهه التانيه من درجه تانيه لم يكن له وجود << الله يرضى على اللي عبــالهم درجه اولــى @ على فكره شــدني شعـار كبـير باللون الازرق وكتب عليه بالابــيض أفغــاني هــلالـي نرجع ونقول حضور هلالي في الدرجه الثانيه لم يكن له وجــود وكويس انه المره هادي العساكر البهاوات خلو تلاته ارباع الدرجه التانيه للاتحــاد والربع للهــلاليــهـ ،، لانه التلات ارباع اتملت كلها صح قبل ما تبدأ المباراه @ اصلاحات وتخريبات وتكسيرات وتشطيبات وربي ولا كــأني اكتب في ورقه وامسح فيها وربي مو ملعب انه متحف المطــارالقديم اللي على طريق الملك خـالد (( جنوب جدهـ ،، للي ما يعرفـوه ،، مكان ما كان المطار القــديم هنــاك ،، ما فيّــا حيل اشرح اكتر من كده ويعــذروني شباب الشمال ماراح يعرفوه لو اييييش )) اللي يشوفه دحين وهو مكسر مبهدل مهردل اتوقع انه يطلع اكتر من عشره تشابهات بينه وبين الملعب @ الجماهير اللي في درجه ثانيه كلها تنــحكر قبل ووسط وبعد المباراه في اربع بوابــات بس للدرجه التانيه من جد الله يتــولانا برحــمته ويعتبــرنا شهـداء اذا لا سمح الله طاح بينا المــلعب يوم << الله لا يقول اهجد @ حــراس امن الملعــب مسـووين فيــها فلحنه بقـــوووووه وربي فرشه فرشه فرشتي الي ما تعرف الا البحــر والملعـب ما يبغوني ادخلهـا للدرجه دي حاقــدين على جماهــير نــادي الوطــن ؟؟ الطف يا رحمن ،، تصدقوا اول مره اشوف حراس امن شركة ( امنكو ) مدري هما جابوهم خصيصا لهـذه المباراه ؟ عجــايب ،،!! 2/ وسط المبـاراه اول شي وسط المباراه حيتفرع لقسمين قسم باللي صار بين الجماهير ( الاتحــاديه ) وقسم باللي صار من الحكام الافنديه اول شي بين الجماهير @ حماس جماهيري منقطع النـظير من الدرجه الثانيه ومن بداية المبــاراهـ --- الحماس دايما لكن المره دي كان غير شكـل وما يحتـاج اقول ليه --- وعجبني والله الحماس مدري امكن يختلفوا معايا اللي راحوا الملعب لكن انا اقول اللي كانوا جالسين حوليني وربي عقليتهم محترفه يعرفوا بمجرد نظرة عين يعرفوا من الغلطان في الكوره ويقولوا الحــق حتى لو على اللاعب الاتحادي ولا حرق ضغطهم الا سيئ الذكر ( عبدالله العبـاد ) @ تصفيق تشجيع موازره من افراد الدرجه التانيه من جد بجـد والله الجمــاهير متعطشه للفوز وربي متعطشه ياناس بعدالهدف الثاني وربي وربي اشوف الفرحه في عيون الكبار قبل الصــغار والكل نفسه ينط وينزل الملعب ولا كــانها المباراه انتهت -- وكيل مدرسه ثانويه في الطــائف لقبه ( ابو رياض ) يتــراقص نغمـا وطربــا مع اهازيج وينبعــاويــات الاتحــاد --- وأطرب من جمهــور بجد وربي مشتااااقين للانتصارات بس خلاص يكفي نجي لما خفي وكان اعــظم قــرارات الحكام امس وربي هادي لحالها موضوووووووووووع اول شي اللاين التاني الي كان جنب الدرجه التــانيه الي اسمه عبدالله العباد عرفتوه الله لا يبارك فيــه يانــي حقدت عليه وربي يلعب باعصابنا ( ويا كثر الحكام اللي يلعبـوا باعصــابنا ) قسم بالله ماسك عصاية الرايه يبغى يقلبها عــرضه يحط الرايه في النص فوق راسه يبغى يأشر اوت او فاول مثلا ويجي يغير رأيه اش ياهوووووووووووووووو وربي الحركه دي سواها 3 مرات اول مره اللقطه الاولى في اوت للاتحــاد جا يأشر انها للاتحــاد شاف حكم الساحه يقول لا على طول وهي في الهوا قلبها للجهه التانيه اللقطه التانيه كوره مشتركه بين عدنــان ولاعب هــلالي اللاعــب اعيق من لاعب الهـلال والحكــم جا يرفــع الرايه على انها فــاول فجأه بسم الله والرايه في الهــوا فوق راسه ينزلها ويمشي اللعب ايه ياهووووووووووووووووووووووووووووووووووو حسبي الله عليك ياخي روح الله ينتقــم منـك اللقطه الثـالثه رمـية تماس اتحــاديه الشوط الثاني بحــركه وربي اتحدى لو ماهي استفــزازيه لعب بالرايه وربي ولا السيرك مسوي فلحنه يستعرض بعصاية الرايه مدري انا شكــيت انه العصايه فيها حشرات ومسويه تعارض مع القــرعه نجي في اللي اخس منه اللايــن الاول الي بصراحه من جد من جد انا اعتبره خواف خواف خواف خوااااااااااااااااااف عيني عينك يا حرامي عيني عينك الكوره تنشات من لاعب الهـلال وتحسبها ركنيه لهم معـذور صــرخه وحده من الي وراه ---- ابــشر،، امرك ولا يصير خاطرك الا طيب والكل عارف من كان وراه ما يحتــاج اقول << رممممممزوا للنقطه دي برقم واحد (1) الحكم حكم الساحه وربي انـــواع الافــلام شفناها امـس ما كفــى سوى فــلم اخد المركز الاول في السيــنما القطــريه جا كمل الناقــص وسوى فلم احلى منه في جدهـ ياراجل خاف الله بلنـــتي عيني عينك حارس ينطرد بالبنفـسجي مو بالاحمر ولا تديه شي ياراجل خاف الله تفاريس كرت واحد لله لله كرت بس ولا عشانه حيتوقف 3 مباريات ممنوع منه الكرت واحنا لنا الله ما قصرت وزعت الكـروت ( بالحسبه ) وعلى مين على لاعيبه قاصدهم قصد يا ظالم عموما عشان لا اخرج عن النص واقول حاجات شفتوها في التلفزيون احب اذكر شي واحد بس انه طرد فلاته الحكم الافــندي حسب فـاول ولا كان في نيــته يعطي كرت بس لمن شاف وسمع الصــرخه امامــه انفجع وخاف على اهله وعياله وعلى طـول طلع الاحمـر وانا من هنا اطـــالب بشكل عـــاجل ( ارجعوا للنقطه (1) ) مادام القانون يقول اللي ورا يصـرخ واللي قدام ينفــذ خلاص تكفون بالله جيبولنا واحد ( للاتــحـاديـين ) ولبسوه بــشت وجلسوه مع الاحتياط تبغوا تحكيم عـــادل سووا زي ما قلنا ولا انسوا في الاحلام يجيكم حكم يحكم عـدل ما ينتكن همبــشبل 3/ بعــد المــبــاراه غضب اتحــادي عـارم من الهـدف الاهــبل والله يسامحك يا (سهــيل) كسبت من حســنات الجمــهور اليـــن ما قلت امــين والجمهور خرج منقسم قسمين قسم فرحان بالمـستوى ومقهور من الحكم وقسم فرحان بالمـستوى ومقهــور من الحكم ومن بعض اللاعــيبه وقسم لا يعجبه العجب ولا الصيام في رجب مو فرحان لا بمستوى ولا لاعيبه ولا حكم ولا شي << هادي النوعيه اش جابها المــلعب بالله @ الجمهـــور الهــلالي خرج ولا كــأنه احرز بطــوله فرح عارم وصارخ وشي شي مو طبــيعي طبعـأ ،، زي ما قــال احد اعضاء شرفــهم ،، نقــطه من فم النمـووور غنيــمهـ نهــاية الصفــحه ،،، فريقهــم مقبــل على اليوبـــيل الفــضي ( خمسين سنـه ) وفي قامــوسهم جايبـين 48 بطـوله يعني باقــيـلهم كــأسين ويكمــلوا الخمسين خمســين يعني بالعـربي انســوا الــدوري ،، خاتمــهـ ،، قال صــلى الله عليـه وسـلم ( لو اجتمــعت الأمــه على أن يضـروك بشــيئ لن يضــروك الا بشــيئ قــد كتبــه الله عليــك ) ومعليــش على انه الموضوع جا متــأخر ،، لأسـباب شخــصيه وعذرا عالتقـصير أخــوكم قمــري ،،،

إنتهــى