ليه ماتسأل علي دوم انا اسأل عليك=وين حبك وين ودك وين كل اللي تقوله
هو غيابي زي حضوري مايحرك شي فيك= ويل روحي من غيابك موتها لحظة وصوله
مافقدت انسان غالي بايع الدنيا يبيك=في غيابك كون كامل فاقده عرضه وطوله
وليت تدري في غيابك كيف دمعي بطاريك=وكيف نبضي في غيابك واقف ومعلن خموله
وكيف نومي في غيابك ما اذوقه احتريك=وكيف عيني في غيابك مزنها زايد هطوله
وكيف دنياي بغيابك مظلمه بس ترتجيك=وكيف وردي في غيابك شاحبن بادي ذبوله
وكيف حزني انتصر يوم ساعدته بيديك=وكيف فرحي في غيابك انهزم لملم فلوله
كل كلي في غيابك غايب يدور عليك=وانت تبخل في سؤالك لا ولايطري تقوله
فهد الاسعدي
بكلّ ما تحمله من معاني النقاء ، والإنسانيّة ، والبياض
وبحجم عطائك ، وكرمك ، ونبلك ، وحضورك
وبحجم اجلالي لك وتقديري لاسمك الذي نقشته في ذاكرتي اقول :
شــــــــــــــــــــــــــــــــــــــــــــكــرا لك
العرض العادي
