ليت الزمان يلف ويـدور ويعـود
ويردنـا للشـارع اللـي جمعنـا
يوم اجتمعنا فيه من غير موعـود
وفيه اتفق زايـد ولعـك وولعنـا
ثم اجتمعنا فيه من غيـر منقـود
وعن الردى والشين ربي رفعنـا
ياشارع النزهه هل الحب موجـود
هل باقيٍ للحب كلمـه ومعنـى؟
والاسرابٍ صـار للعيـن ممـدود
نقرب ويبعد ليـن تهنـا وضعنـا
وان كان صار الحب ضايع ومفقود
واحـلام نبنيهـا وفيهـا وقعنـا
قله تراي اموت فعيونـه السـود
والله هو اللي في هواهـا دفعنـا
وقله عساه الياسمع قولي يعـود
وقله ترانا مـن فراقـه شبعنـا
اصارع التيـار والحيـل مهـدود
واللي حصل من نور عيني فجعنا
ثم ذكـره مافـات قـدّام لايجـود
كيف الهوا يومن دعانـا سمعنـا
كيف الخطاوي تسبق الوقت بحدود
توافقـت قلبيـن وحنـا قنعـنـا
ياما رسمنا الدرب بزهور وورود
واليوم ذبلـت وردةٍ قـد زرعنـا
ياشارع النزهه ترى الوقت محدود
قربه دوانـا والمفـارق وجعنـا
العرض الشجري
