[moveup] ارحل معي ...[/moveup]
أحزاني أكبر من تعابير مجروح ***** حويتها بين الضلوع الدقيقه
مشوارها في داخلي سر مطروح ***** يجول في ذاتي وصدري بضيقه
تلقى بعيني ليل والدرب مفتوح ***** على البقايا للصروح العتيقه
ارحل معي في رحله الصمت للبوح ***** والمس عذابي من جروح عميقه
واسمع صدى صوت من الحزن مبحوح ***** وعيش الهموم اللي بقلبي دقيقه
شوف الهنا في داخل العين مذبوح ***** وشوف الحياة اللي بروحي حقيقه
لاتحسب ان الحب سيحات وامزوح ***** ونشوة غرام في بحرها طليقه
لو شفت حبك داخل العين مفضوح ***** وراه دمع به جفوني غريقه
هم الرحيل وشوق واحلام واجروح ***** مشوار عمري مارحمني طريقه
كن الوفا من نظره الناس ممسوح ***** وكن القدم صارت بدربي عويقه
ماكن لي رغبه وغايه ومصلوح ***** أطرد سراب وغاب عني بريقه
وكن العمر باقي له أيام ويروح ***** وكن الضلوع الناحله ما تطيقه
وسلامتكم
اخوكم دلووع