الولا يعني الوفا والصد تفسير الجفا=كلمتين.ن. حيرتني لين لامست الجنون
الله اكبر يازمان اللوم ماجاني كفا = وش بقالي من متاهاتك سوا شِرب المنون
يازمان احترت كيف الناس تقدر بالوفا=والصديق اللي شريته حطم القلب الحنون
يازمان ارخصت له قلبي وصدري له دفا=الغلا كل الغلا له... مسكنه بين الجفون
كنت احطه بين طياتي وسط قصر.ن. خفا=خلف منضوم الحنايا واحظنه شوق وشجون
كم عطيته كم من اجله بعت ساعات الصفا=كم كتمت الهم كم سهرت لفرقاه العيون
بعت له نشوة شبابي طوع والخاطر عفا=والجمايل سقتها له والخلايق يشهدون
يازماني بس ؛ ماجاني من افعاله كفا=يكفي اوجاع الحزن وعيون ناس يعذلون
عارف.ن.نجمي وانا نجمي من الكون اختفا=يوم ابدل نوره الوهاج بانغام ولحون
الجروح تروح والمجروح يلقى له شفا= والعمر مكتوب والعله اذا كبرت تهون
ــــح لساااانك خيووو 
العرض العادي
