صحيح أنا أحبك واعزك وأغليك=وقلبي تعلق فيك وعمره ماشافك
وانت الذي بديت حبك بتكتيك=وقلبي قبل حبك وسارع وضافك
كنت أجلس الساعات لعلومي أعطيك=وارسم على اللوحات صورة غلافك
ليش الهجر وش صار ياصاحبي فيك=غريب طبعك مايناسب عفافك
منولٍ يازين بالغالي أشريك =واليوم عزتنا إدّور كفافك
أبعد حبيبي جعل ربي يجازيك=مادام عايفني تراني بعافك
لايمكن ارجع ياحبيبي واناديك=العبدلي مايرتوي من جفافك
دور ضعيف النفس خله يواسيك=يرضى يغطي عزته في لحافك
امّا انا لايمكن إني اراعيك=انا قوي العزم وشلون طافك!!
شعر العبدلي
العرض العادي
