ويشوف زولك على مركاك لاكنه$$$لاعادفيه النظر لامقعدك خالي (( ارجو منكم الدعاء لها ))

[الجـ<قمة الساحه>ــزل]

ياعيون هلن وصاف الدمع زيدنه = مـادام اناء حي خل الدمع همــــــالي
عـهدن عليكن وعيبن لو تخونـــنه = زيدن ولو زاد فيكن هرج عـــــذالي
بامل قلبٍ غداء يقرع كما الشنــــه = لاغـاب شوفه عن اللي شوفه اشفالي
قلبن اصدوف الليال السود صابنه = واصبح بلا حيلةٍ فالكون يحتــــــالي
من هول مافيه ياناصر غدا كــــنه = بركــــــان نارن تزلزل فيه زلزالي
البيت يوم العيون القشر شافــــــنه = قامـــت تناشد ياوينه سمح الاقبــالي
كل الزوايا ودور البيت يبكــــــنـه = لو كان ماهــــــول كنه مسكنٍ خالي
يايم بعدك يصيب القلب ويعــــــنه = ولاعـــاد يهنى ولدك براد وضلالي
وامسى بذكراك والعبرات غصـنه = واصــــبح بزولك يوراله بالازوالي
ويشوف زولك على مركاك لاكـنه= لاعـاد فيه النظر لامقعدك خـــــالي
حتى الاذاني بصدق الصوت يوحنه = لاسمعت الصوت بالتكبير ينــهــالي
عجل ٍيجاوب على الاصوات لاجنه = لبيك يايم لبى صوتك الغــــــــــالي
ثم فز يبغى يشوف امه ولاكـــــــنه = منعقب ماضاع حلمه صابه اذلالي
ثم عاد يبرد صلاء خافيه با الــونه = لو كان ماهيب مطــفيتن له اشعالي
يالله صبرك وثبتني على الســـــنه = وا هشم كبدي عليها يابري حـــالي
منول القلب نظراتك يســـلـــــــــنه = لاجيت وقت الزياره وسعت بـــالي
نظراتك اللي علي الحال يشكــــنه = في دعـوة الله يبـــــدل حال باحوالي
واسمي على اشفاك بالتحديد يبـــدنه = عــــرفك من الكون كـــنه ليه الحالي
كنت انتظر لليالي ديــن يوفنــــــه = واثر الوفاء عندهــن معدوم ومحالي
يــالله واناء طالبك يارب فالجـــــنه = تجعلها ياولي العرش مـــــنزالـــي

رحمــــــــها الله واسكنها فسيح جناته 00
ادعو لها بالرحمه جزاكم الله كل خير00000
مع التحيه؛؛