يلي اذا احد (ن) نفض لك علتك تشكي الــــــم
وان ماشكيت الام عمرك تشتكي قلب(ن)سقيم
تفضي لجليسك العذاب الي فــــي لوحك انرسم
فيها دموع احزان وهم(ن)يحتضن ظل الجحيم
لك شطر اول مــن غيـــــاباته تكبر والتثـــــــم
ولك شطر ثاني انتحل عقلك واصبح لــه زعيم
احمر خدودك عابس(ن)بالثغر وضي وجهك لثم
بالسود هذا ظاهرك والخـــافي ربك به عليــم
لــو ترتوي مـــاي السعــــاده تنطفي شمع الالم
وان ماك جف تنثر خطاك تستقبل الحزن القديم
لامـــاأظن ان السعاده حرف مــــن خـــط القلـم
تمحى وتزول بدمعة(ن)من بين جفن(ن)تستقيـم
اصبر تساهل فـــــي جراحك واختلط به وانسجم
مــــاجاك فــــي يوم (ن) رياح الايهب بعده نسيم
ماتشوف هلِّي صابر(ن) بالحيل مــــاعمره ندم
وان كنت جاهل وشهي حاله قلت عايش في نعيم
الظيق وانـــا لك اخـــو ماهو مـــن الجهل العدم
إعرف وش الي شايلك واودى بك الحزن العميم
اسمع ترى مــــافي احد فــي دنيته هـــــاذي سلم
من كل هم(ن) فـي حيـــــــاته الا لـــو دربه سليم
هي كلمات بسيطه قد تكون مختلة الوزن وركيكة الكلمات
وموهبتي بسيطه جدا في هذا المجال
لكن حبيت استفيد من ارائكم وإنتقاداتكم....
دمتم للـــــود بألف خير
اختكم
العرض الشجري
