البنات يخطبون الاولاد...لايفوتكم تخيلوا البنات يخطبون الاولاد ... لا يفوتكم السلام عليكم ورحمة الله وبركاته مجرد قصة للضحك اليكم الموضوع : يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك.. الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. . ترد انت بكل خوف : خير يمايه؟ .... تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ .... ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. . تقول انت : بس يا يمه هي ما شافتني من اول. (والله عيب بس بكمل) تقول امك: هي شافتك و انت نازل من باص المدرسة (الله واكبر يالروز رايز)... بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك.. تسال انت: انشالله يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري) و تقول : اه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك . ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يابويه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: ياابويه دايما تحرجني انت واي واي و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) ... و تقولها تفضلي.... تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق. تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه الا اخوانك يستنونك و يقولون: ها وشوه شكلها تقول انت: واي واي تهبل تهبل حلوة و دمها خفيف و ذوق اهههههااي الا ابوك من المطبخ . (يزغرط بالمصري) لللللللوووولللللوووووشششششششش مبروك يا ولدي الا بدخلة اختك واصله من برع و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن <<< والله وصرتم يالبنات تقولونها الا بدخلة امك و تسطر اختك كف و تطلع اختك بالسيارة و تفحط و تروح من البيت زعلنه البنات <<<<..تخيلوا عاد و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه **يدة او صيته او العنود وسارة وشوي الا العفسة قايمة : ترى العروس جايه و ينطون الرجال و الشباب كلن يلبس غترته ومتلثم.. و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي وبعد شهور وبعد ما يجيك عيال و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك يا ويل الى تخطبه لو ليتا والله ليكون اخر يوم بحياته ههههههههههه
i_love_you فعلا لو كان الامر كذلك لكان اهون وش محصلين من هالمرجلة الحرمة لا هم ولا مشاكل ولا مسئوليات وخدامه وسواق اكلف ما عليها كاس هالعصير حاسدين على المرجلة وينافسونا عليها 0000000نبي نسوق نبي نتاجر نبي عدالة والله ما تلقون إلا وجع القلب
ههههههههههههههههههههههههههههههههههههههههه احسن شي علشان البنت تقدر تختار تقدر تشووووووووووف الرجال حنا لا فلانة تقووووول وانت وحظك0
من جد وناااااااااسة لو يصير الوضع كذه ,,, كان جلسنا بالبيت وانتظرنا العروسات يجونا مشكووور أخوووي على هالموضوع ,,, وننتظر جديدك ,,,
الله مين ينفذ القرار هذا تراني مستعجل او اجيب وواسطه بلا هم بلا خربيط انكرف سنتين اكون نفسيـ متى تجيـ تاخذنيـ فارسة احلاميـ عشــ تحياتيـ الود واشواقيـ ــوق
i_love_you ليه ما كملت وش بعد ليلة العرس هههههههههههههههههه اقول ياشباب من جد وربي البنات صارن ينا فسنا على الرجووووله هم وش يبووون ودمـــــــــــــــــــــت ’’’
ياليت يصير كذا كنا ارتحنا من مطاردة البنات وجلسنا في البيت وارتحنا الين ما يجون هم يخطبونا مشكور على الموضوع ويعطيك العافيه
العرض المتطور
