طبعا اول موضوع لي ... واتمنى اني اكون خفيف عليكم
المهم انا انسان دايم اطيح بمواقف محرجة او اتفشل
ومن كثرها صار وجهي بارد (مايهتم لاحد)
عاد اقولكم من حظي الردي
جيت مرة في الصباح ... مسوي ابو القوة والتحدي
داخل على الكلية بكل نشاط.... كني انا الوحيد اللي رايح ادرس
اول واحد واجهته خويي .. قل له وينك امس ادق ما ترد
قال : انت فاضي تراك ازعجتنا .... ترا الواحد استحملك لين قال بس
انا طاح وجهي وقلت له افا .. زعلان يا خوي وسع صدرك
قال : انت بطولها معي يلا بااااي
الولد مشى وراح ....... وانا واقف اطالع رووحي القا نفسي مجحوود
مشيت للقاعة ولا كنه صاار شي .. وادخل واسلم على الشباب
وانا توني حاط الكتب ... طع طع دش ...
مصفط على وجهي .. والكرسي انكسر و مشاكل
ربك ستر ... قلت يا ولد ... خلك قوي .. ولا كنه صااار شي
اي قوي واي خرابيط ... والله الشباب على المدرس .. ضحك علي
سويت نفسي مطنش .. ووجهي كنه صلصلة معجون السعودية
يا ولد ... جلسنا و ... والمدرس كل ما شرح وطالعني ضحك
بعدها بشوي ... قلت له استاذ ممكن ارووح اشرب ما...
قال : مافيش مشكلة بس اتبه على نفسك احسن توئع او يحصلك حاجة
قلت له : هههه .... مالها دخل يا استاذ ...
المدرس ناظرني ... والا الخمس درجات محروومة مني
يقول : عشان مرة تانية تحترم اللي اكبر منك يا حيوان
عديتها وطلعت للبيت ... توني واصل للبيت
الا الجوال وينه ..... ما دري وينه انهبلت .. ادوور ... يمين .. يسار بالموتر .. شي منا او منا
مالقيته .. قلت اكيد بالكلية .. ارووح للكلية ... ادور مالقيته
في الاخير .. وينه ... حاطه بوسط الشماغ وانا راميه ...
طلعت للبيت وانا راقي الدرج ... واجيك متكرفس كرفسة ...
كني لبن ابو خمسة ريال .. من الي ضحكوا .. اهلي كلهم
اخووي يقوول .... الله يفشل عدووك ..هذا وانت طالب جامعي اجل لو انك بزر وش صااار
انا وصلت معي لدرجة اني .. قلت خلاص .. انام احسن
رحت غيرت لبسي ونمت على طووول ...
حتى بنوومي ما تهنيت ... جاني جاثووم ... الله يقلعه .. وكل شوي ماسكني
المرة الاولى : كني طايح من جبل
المرة الثانية : كني ممسووك من واحد اسود وكاتمني
الثالثة : كنه واحد يدغدغني .. وانا ماقدر اتنفس
قمت من النوم مفزوع
قلت والله .. اروح للنت ارحم .. توني جاي اجلس على الجهاز
فــــــــــــــــــايــــــــــروووس شنيع يتجووول في جهازي
وكله مني ... انا استقبلت رسالة مجهوولة
... فقدت الامل من يومي المزعج هذا قلت ارووح للشات الصوتي .. حبيبي شات الود
توني داخل .. اسلم ويجي ادمن يقول .. انت امس متكلم على واحد وواحد مقدم شكوى والثاني والثالث ... قلت وقف .. وقف ..
تلعب علي انت .. انا اول مرة اجي من ثلاث اسابيع يا نصااب ...
هو شاف كلمة نصااب ... وعلى طوول اشوف باند اي بي بوجهي
بالله مو حظ سئ ... وليلة شنيعة بعد ... الله لا يحطكم مكاني
هههههههههههههههههههه
لــــــــــــيــــلة شنيعة
العرض الشجري
