ثلاثـة عـوامل تاريخيه صرقعت بالشاب السعودي
ولعلي في هذه العجاله اللي ماهيب صاحيه استعرض ابرز مايستلكع امام الشاب السعودي المتدهور رخصه واستماره :
1- يوم كنا صغار يعني اذا كان عمرك سبعه عشرين يعني قبل 19 سنه تقريباً بعد صلاة العصر يجي فلم كرتون وبعده يجي فلم مدبلج وهو اللي نتحراه تحري يعني بمثابة الحلم لنا
المهم اذا خلص فلم الكرتون جلست تنتظر المدبلج تتفاجاً انهم مايجيبونه ويعرضون لك حفل تخرج ولا من هالخرابيط هالنقطه هاذي بالذات يقول عنها الدكتور النفسي مدري وشسمه انها تؤدي الى خلل في التركيبه العقليه لدى الطفل السعودي
2- اذا قمت من النوم الى وجهك كله سعابيل حتى اذا ناظرت وجهك بالمرايه تشوف بياض حول براطمك تقول مغسل وجهك بقشطه الله يكرم النعمه
هاذي رغم اننا نعدها شي عادي بس الدكاتره النفسيين يقولون انها من اسباب تزعزع الثقه لدى الشاب السعودي
3- اذا رحت للملاهي مع ابوك واهلك وعطاك ابوك عشرين ريال ولعبت لك لعبتين وخلصن الفلوس وكان نفسك في لعبه ومشاوف فيها يقولك ابوك لا خلاص يكفي لعب
هاذي يقول عنها دكتور نفسي يشتغل بمحل خضره <<< عادي كل شي يصير الحين
يقول انها من اسباب ادمان الشباب على السفر بالخارج وطرطعة الدراهم على اللي يسوى ومايسوى ((يقصد البخشيش لعمال المراقص)) حتى تسمى بالطب النفسي ( الانتقام البيزنطي)
انتهى ولا عزاء لشباب المستقبل
مواليد التسعينات الهجريه ثلاثة ارباعهم نفسياتهم نعال متقطعه
منقووووووووول
المجههههههههههول
العرض الشجري
