><> التفرقة بين البنت والولد في دول الخـليج ..><>

[^^حبـــــوبه^^]

قووه !!!

شلونكم شخباركم ؟؟


طبعا الموضوع عن الشباب


---------------------------------------------

إذا تعرفتي على ولد فأنتي صايعة و مو محترمة

إذا هو تعرف على بنت فهذا طيش شباب

------------------------------------------
إذا البنت حبت قالو عليها قليلة ادب

إذا الولد حب الناس يقولون يا حليله الولد كبر و صار يحب

-----------------------------------------

إذا البنت تأخرت شوي بره تاخذ لها كلمتين من الأهل

إذا الولد تأخر " مسكين صارله ساعة يدرس عن صديقه "

(ايه يدرس فنون التحشيش و المغازلة) :p

---------------------------------------
إذا البنت تلعب بلاي ستيشن او اكس بوكس قالو عليها هبله

إذا الولد لعب قالو عادي شاب و يبي يتسلى :

( حرااااااام مسكين................يعني خلصت التسالي اللي بالعالم)

--------------------------------------

إذا البنت لبست و تكشخت فهي صايعة و رايحة تستعرض

إذا الولد لبس و تكشح فهو إنسان يحب الموضة

---------------------------------------

إذا البنت سوت شي غلط عطوها محاضرة في الأخلاق و الشرف و الدين

إذا الولد غلط يضحكون و يقولون طيش شباب بكره يعقل

( بكره يعقل ههههههههه هذا ويهي اذا يا بكره ترى البكرة حقتهم ما تخلص )

-----------------------------------

إذا البنت تكلمت في التليفون يقولون اكيد كلام ماله داعي

إذا الولد تكلم في التليفون فالرجال يتكلم في الشغل

( مساكين ترى تدرون حياتهم كلها شغل و كلامهم بس عن الشغل هم ما يتكلمون عن السيارات و البنات و التليفونات و الفلوس و الطلعات ...........الخ)

-----------------------------------

إذا البنت بجت قالو اكيد شي تافه

إذا الولد بجى قالو مسكيييييييين اكيد شي قوي صارله

( هذا ويهي إذا ما كان قاعد يبجي على شي اسخف من السخيف)

------------------------

إذا البنت شاطرة في شي قالو ان الشي هذا تافه و سهل

إذا الولد شاطر في نفس الشي قالو هذا صعب كيف سوا الملعون الذكي

------------------------


انشالله الموضوع عجبكم ^__^

__________________

[EyE<2>lOvE]

ههههههه مره حلو الموضوع

[سارونه2004]

اي والله صادقه ويا وخيتي يا حبوبه وهذي مشله نعاني منها ومدري متى بنفتك منها بس الله كريم اهئ اهئ اهئ






اختك سارونه2004

[زود الغلا]

اختي حبووبه للاسف كلامك كله ميه ميه لا عليه غبـار.....



^





تحياتي راشد

[ر1يق وفـ1يق^^]

أول شئ السلا1111م عليكم حبايبي

ثاني شئ الموضوع شيق ورائع وفيه شئ من الصحّه <<لاحظوا شئ من الصحة يعني مو كله

طبعا أكيد بيقول واحد ليه مو صح كله مثل الإخوان الليقالوا انه كله صح في صح طبعا أنا اقولكم

ليه : (طبعا من خلال البيئه والمجتمع تبعي ) :

فيه مبالغه في بعض الأمور يعني مثلا:

يوم البنت تلعب بلاي ستيشن والا مدري وش ويقولون مدري وش والولد اذا لعب مدري وش يقوولون

.... بالنسبه لي أتوقع وأرى ان في مبالغه نووووعا ما في ذا الشئ... وبرضو في البنت يوم تبكي

والولد يوم يبكي برضو اتوقع ان في مبالغه ...

ثاني شئ مدري ثالث شئ انا اقولك ليه فيه اختلاف في المعامله في بعض الحاجات مثلا في يوم

ان البنت تكلم والشاب مثلها والاختلاف في التعامل في مثل ذا الحالات انا اقولك ليه ومن خلال

رأأي القاصر تبعا :: على شان البنت الأمور هذي متعلقة بشرفها يعني أي شئ يصير في مثل ذا

الحاله راح تفقد شئ ما راح يتعوض طبعا هذا من ناحية البنت لكن من ناااحية الشاب لا ما راح يصير

له مثل ما يصير للبنت يعني راح يكون التأثر عليه أقل من ناحية البنت .<< مويعني اني اقول عادي

... يعني الإختلاف في التعامل من حيث الآثار على كلِ منهم

وفي بعض الأمور من حيث طبيعة البنت وطبيعة الولد.


وشووووكرن...... تقبلي تحيّاتي... وانتم كمان...