هلا ومراحب/ اعضاء الود الغاليين على قلبي اضع بين ايديكم قصيدتي هذه راجيه ان تلامس مشاعركم :لانها لبعض احوال الليل وهو محبوب الشعراء....... تقبلوا تحياتي اختكم المتعليه تمسي هالمشاعر شوق ياحلوك معك طاريـك حنانك فيض عطني غيظ أغيظ احزان مجنونه سهرت احوال فيك اهوال ادناها تجي تشكيـك واعلاها سهر لعيون تجافي النـوم وظعونـه ياليل العشق وين الشوق علامك ماترد شفيك ترى طال الزمن والصبر شاب وبانت اوهونه واعدني في سما بدرك واعدنـي في سحـر داجيـك اعيشك بالفرح مره وباقي العمر لـك مونـه خذيت من الحروف اربع تعاندني غصب تتليك همسة اولها واخرها صرخ باحـزان كينونـه انا كلي فداة الـي امرنـي بالبطـا اسريـك لعل وياعسا طيفه يمـر يشـوف مضنونـه سنين من العمر هايم بنجمك والقوافـي فيـك بساعتـك توادعنـا وتعاهدنـا بهنـا نونـه عساه للحل من نامك ولاجاه الصبح شانيـك شرى بقفايتك عمره و سلم بالعون مـن دونـه المتعليه/ مع خالص الود
السلام عليكم تحييتي ,, صح لسانك اختي ,,, المتعليه,,, قصيده جميله
المتعليه0 قصيده جميله وخا صة بان البحر به امكانيه ها ئله للشاعر للتعبير والتصوير وقد تمكنت المتعليه بأ حساسها الكبير وموهبتها الجميله ان تعطينا قصيده جميله لولا هنات الوزن في البيت الرابع ( واعدني سما بدرك00000000 غير مناسب للوزن0 ( واعدني في سما بدرك واعدني في سحر داجيك) جربيها مع البيت ولك وجه المقارنه تحياتي وتقديري0 نقرة حضوضى
هلا بالعزيز/ يسود الصمت شاكره مرورك لا عدمتك عزيزي المتعليه
هلا بك/ عزيزي نقرة حضوضي معك حق لكن عزيزي اظن ان الوزنيه تمام وان كان الكمال كما ذكرت وايضاً هناك بيت أخر ينقصه حرف فقط وربما يكون هذا مقصود من عندي احياناً لتثبيت معلومه معينه لا يبخل علي بها امثالك ذوي الباع الطويل بالشعر اشكرك استاذي لا عدمتك دمت لنا بود وعاجزه عن شكرك لمرورك وتمعنك بالقصيده لا حرمني الله هذا المرور استاذي تحياتي
تحيه عطره أهنيك على طرحك الجميل ويعطيك الف عافية على الإحساس المرهف . اتمنالك دوام التوفيق
العزيز : اوراق شاعر اشكرك على المرور وعلى الاطراء لا حرمني الله هذا المرور اختك : المتعليه
اختي الغاليه المتعليه ... مشكوره ولاهنتي عسى عمرك طويل .... اتمنى لكي التوفيق .... اخووووك عبيد السبيعي
هلابك : عزيزي عبيد ال سبيعي اسعدني مرورك ولا هنت لا شك بأن حرفي تشرف بمرورك عليه لا عدمتك تقبل مني كل التحايا اختك : المتعليه
العزيز / نقرة حضوضي قد اتبعت ما اشرت به علي وشاكره لك هذه الملاحظه وممكن عزيزي ان ينقص حرف او يزيد اثناء الطباعه كلي شكر عزيزي لا عدمتك اختك : المتعليه
العرض العادي
