كيف نخلي حياتنا كويسة؟ (ادونا ارائكم السديدة)

[الورور]

كيف نخلي حياتنا كويسة؟ (ادونا ارائكم السديدة)
السلام عليكم
مرحببنكم جميعا
كيف حالكم ان شاء الله مبسوطين
اذا رحت (رحتي) السوق عشان تقضي مصلحة سواء كانت حاجة مهمة او تمشية او اي شيء حيلفت نظرك التجمعات الشبايية الهائلة اللي مهم دارين هم ايش بيسوو في حياتهم بس ماخدينها سبهللة طيب ايش الاسباب؟
انا ادري انو انتو حاسيين بغبرة كتير بس انا ترى ما الومكم عشان الايام هدي الجو قلب صيفي شوية و الطراوة والنسيم صارو جزء من الماضي.
طبعا الشباب اللي فاضيين وما عندهم شيء دحين احلى حاجة عندهم انو الواحد يبصبص على حريم الخليقة و يلبس احسن ملابس كانو رايح يتزوج.
بس انا في نظري انو معاهم حق شوية (والله الورور هادا شكلو علماني)
السببب لانو بيني وبينكم ما في شيء الواحد يقدر يسوي يعني مسلا ازا ما لقيتك صاحبك في السوق اكيد وبنسبة كبيرة جدا حتلاقي في القهوة وهناك طبعا تنسلخ الاخلاق الحلوة والكويسة وانواع السب والشيشة وقلة الحياة.(حتقولولي ليه ما في بحر ما في طلعات برية او بحرية او جوية او اي كوكتيل منهم)؟
انا اقولكم انو شباب دحين الا من رحم الله منهم ما صار بينهم داك الاحتكاك حق اول وخصوصا طلاب الجامعات زيي . تصدقو انو الواحد يقعد يدرس مع تقريبا تلاتين واحد اربعة شهور بالزبط و في الاخير بالكتير ما يعرف الا يمكن 5. (و ازيدكم من الشعر بيت انو بعض الاحيان الشخص يعرف واحد من الثانوية وفي الجامعة ما يعطي وجه)
معليش اني خرجت شوية عن الموضوع بس القهر يسوي اكتر من كدة
الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحل هو اقتراحاتكم انا داري انو الموضوع قديم مرة كانو من عصر الديناصورات بس ارجوكم ادوني ولاتبخلوا علينا بارائكم السديدة
انا في نظري انو ينفتح في كل حي وحارة كمان نادي صغير ( مركز ترفيه) عشان يسلي الشباب واتوقع انو هادا بحد زاتو حيقلل من طلعات الشباب الى القهاوي و الاسواق واللزي منو.
والسلام خير الختام