رد على قلب بدوي
حي القصِِيد اللي مجنب عن الميل
راعيه عدل ما مشى يم مايــــــــل
نقى المعاني تنقية عالي السيل
لرض غشاها عج واشيا هوايــــل
يا مرحبا بالشيح والمسك والهيل
ترحيبة باعداد كل القبايـــــــــــــل
اذكى من المسمار وسط الفناجيل
واحلى من السكر ليا صار سايـــل
خطك قريته يا حمد دون تأويل
هيض وجوع دونها صار حايــــل
ذكرتني بالخور ارض المخايل
ارض الحماد اللي بها الهم شايــل
ليا بعد ارض القصيم المخايل
طعوس وغراز ونفدها دوم هايل
وش عاد لو تبرق وترعد مع السيل
ماظن هذا هو علآج العلآيـــــــل
من علته عربه بها تهد الحيل
ما ينفعه لو شاف منشى المخايـل
ماينفعه لو طال وقت التعاليل
دامه غريب وكل شوفه هوايــل
تقوله انت اللي دروبك مساهيل
اهلك حولك بين كل الحمايــــــل
ينقصك ساعة تلمح البرق بالليل
وليا لمحته صرت للشعر قايـــل
وانا بليلي ساهر بالولآويــــــل
عزاي شعركاتبينه اوايــــــــــل
همومي تسابق يا حمد كنها خيل
مضمارها قلب به الحظ مايـــل
نظم الاماني كل يوم بتشكيل
ولآني لها يا صاحبي حيل نـايـــل
ما شدن ني صوت الغنا والمواويل
اخاف من ربي ومن يوم هايــــل
كلام ربي ياسمعته بترتيل
عني يروح الحزن والهم زايـــــــل
واهوى الرعد والبرق مع شوفة السيل
والا على قلبي تريد الدلايــــــــــــل
ياماحلا المجلاس وقت التعاليل
مع واحد شرواك للطيب طايـــــــل
وعلوج الغدر مااظن يحتاج تحليل
الغادر انسه عنه تلقى بدايـــــــــــــل
مرت علينا ناس غدارة حيل
ماهمهم الا حصول النوايــــــــــــــل
هذا مردي ياحمد دون تطويل
وكثر الحكي ياصاحبي للهبايـــــــل
العرض العادي
