للفاهمـــــــــــين فقط ؟.؟ البــــــــــــدو ......!!......؟؟

[محمــد القعـيقعي]

بسم الله الرحمن الرحيم

والسلام عليكم ورحمته وبركاته

* لا يفقـه هذه القصيده غير أهلــها فهم معروفين من قبل الكثير

((( البـــــــدوووو )))


[poet font="Simplified Arabic,6,white,bold,normal" bkcolor="transparent" bkimage="" border="double,10,white" type=2 line=200% align=center use=ex length=0 char="" num="0,black" filter=" glow(color=black,strength=5)"]
... عقب البدو ثـوّر عجاجه "="سودن معاطينه وغربانه أزواج
ماعاد توحي ألا مصايح دجاجه"="والبوم ينعــى في طويلات الأبراج
عقب أزدحامه بالدبش وأعتلاجـه"="والبل تتابع وردها أفواج أفواج
والطرش كالحيطان يملا زراجه"="ماكنك ألا في منى تنظر الحاج
في دلوه الغراف ينسف هماجه"="كن الدلو بحياضها نسف الأمواج
والسانيه تصبح عليها الحداجه"="صلاة والسنّاي يدلج بها أدلاج
وبيوت مثل القور تملى فجاجه "="بطرافها يلقى العشا كل محتاج
شافو سهيل وجلعو بنزعاجه"="خلوه كنـّه مامشى في دواج
وأصرّت دياره عقب كثر أرتهاجه "=" على نثايلها حمام الولع راج
قامت تهل العين والقلب هاجه "="شوف الضعون اللي لها القلب ينعاج
بغى يداوي القلب خلي وعاجه"="عقب الوداع القلب عن مجلسه ماج
وجـا فيه كسر ٍ مثل كسر الزجاجه"=" من حر فرقى اللي للأعيان دعّاج
أخر وداع يومنـّه ينهض حجاجه"="وأقفى وأنا دمعي على الخد زعـاج
كم ليل أظلم ومعدومٍ سراجه"="سهرت به لين أقبل الصبح وأنباج
أنا ومضنوني بليا لجاجه "="هرج ٍ خفى مايسمعه كل هراج
سوالف ٍ ماهي سوالف سماجه "="بيني وبينه مشعل الحب لعاج
متى على الله يالوليف أنتواجه"="وأنتم على ماكم تعودون الادراج
جيـتك طبيب القلب تفهم علاجه "="ماعاد لي من ورطة العشق مخراج
لولاك ماجالي مع البـدووو حاجه"="ولا نهج قلبي لهم كل منهاج

[/poet]

الشـاعر محمد بن معيدف القعيــقعـي