اليوم بخبركم عن عبود وميره
وقصه جديده بسميها (كـــــــــــــذب البنات)
عبود: هلا ميره شو الاخبار؟
ميره: والله بخير حبيبي, فديتك تولهت عليك وايد .
عبود:انا زعلان لا تحاولين. منو كنت تكلمين امس طــــــــــــول الليل؟ ؟؟؟؟؟
ميره: شوف عن الحركات انا كنت اكلم ربيعتي امريكا . تعرف عندي وااااايد من ربيعاتي اللي يدرسون برع وانا كنت بسير والوالد قال بوديج بس انا مابى.
عبود: عن الخقه . بس عرفنا انج تقدرين.
ميره: انا مو خقاقه بس انت اللي حساس واااااايد حبيبي امس كلمت كل ربيعاتي اللي برع وخلص كل رصيدي.
عبود: خيبه امس حاطلج 500 درهم رصيد
ميره : يعني واااااايد عليه؟؟ تذلني يعني؟ طز مابى خلاص . يابخيل كنت بردلك اياهم وبزيدك بعد يوم الوالد يرد من لندن.اول ما يرد بيعطيني 5000 درهم
عبود: بس انتي قلتيلي من يومين ان الوالد في سويسرا!!!!!
ميره: ها شو متى ؟(( الويه تلون)) هيه صح تلرى اليوم سااار لندن مع وفد. ترى الوالد بزنس مان وكل يوم في مكان. طق طق طق حد يدق الباب على ميره . ميروووووه والصمخ بطلي الباب ((صوت رياااال))
عبود : ميره من هذا؟؟؟
ميره : هذا اممممممم هذا اخوي .
عبود: بس انتي قلتيلي انج وحيده امج وابوج ودلوعتهم .
ميره : ها شو حبيبي يقطع ما اسمعك(( ماتعرف شو تقول تفكر بكذبه)) ياغبي انت ما تفهم هذا ولد عمي بس مثل اخوي.
عبود: هاهاهاهاها اخرط على اللي ماتعرفه واللي تعرفه زيده.
ميره: شو تقصد يعني انا كذابه؟؟((ميته من القهر قافطه ما تعرف وين تودي ويها))
طق طق طق حد يدق الباب مره ثانيه .ميروووه بطلي الباب انا امج .
ميره: هلا امي .حبيتي انا دلوعتج حبيبتج صح؟ عبود يتسمع ملصق اذنه في السماعه. الام: ميروووه ويا هالكشه بلاج مبهذله اغسلي ويهج ومشطي شعرج .(( ميره قافطه)) والله امي انتي سوالفج ومصخرتج حلوه.
عبود ناقع من الضحك
الام: ميرووووه ليش توه يوم ابوج يدق الباب ما تردين عليه؟ ياللله قومي حاطين الغدا واخوانج وخواتج يتريون بتتغدين ولا ناكل عنج
ميره: انزين يايه((خلاص ما تعرف شو تقول ولا تعرف شو تسوي))
عبود:هاهاهاهاها والله انج كذابه ؟؟؟؟
ميره : اسكت يا حيوان اصلا انا كنت العب عليك وانا ما اكلم هالاشكال؟
طوط طوط طوط طوط
سكرت في ويه وقامت تصيح
عبود مطرش مسج : انتي الخسرانه كنت شارلج موبايل يديد ورقم مرتب
ميره: والله اني غبيه
ميره مطرشه مسج (( عبود حبيبي انا اسفه بس انته ضايقتني برتاح شويه وبهدى وبتصلك بعد 10 دقايق
ميره : هلا عبود. زعلان حبيبي؟
عبود : لا عادي (( المهم تراضو بعد ربع ساعه))
ميره : عبود حبيبي متى بطرشلي الموبايل ؟؟؟
عبود: ليش انتي متصله عشان الموبايل؟؟
ميره : لا افا عليك حبيبي بس اسالك حبيبي .عبود : هيه الحمد لله لاني ما اشتريت شي بس اسولف وياج عشان تردين علي .
ميره: انت كذاب وانا ما احب ولا اكلم واحد كذاب يالله اقلب ويهك وفارق.
طوط طوط طوط طوط في الويه!!!!!!!!!!!!!!
وبعد يومين
ميره: هلا حبي هلا بهزاع .
هزاع: مسرعج حبيتيني ؟؟؟؟؟؟؟؟؟؟؟؟؟؟؟
ميره : انت تنحب بسرعه وبعدين انا اول مره اكلم واحد((( وتسويله فيلم هندي مثل ما سوت لعبووووود)))
والسموحه من البنات لانه مو كلهم سوى!!!!!!!
الــــــــــــــــــدلــــــــــــــــــووعه؟؟
العرض العادي
