فــوضــويـــة آخـــــــر ..

[آخــــر ..]

إهداء لكم أولا ً ...

ولسيدي الذي أمرني أن أتوقف ...

أخي مسعد ...


لقد توقـفت هنا :

فـهـل لي بأن أتحـرك ؟


لاتحتمـــل مقدمات :







الغلا في القلب .. والاشواق .. والدمعــــة تحـدّر ..
فوق خد اللي يشـيـل الهـم .. والضحكة تخـونه ..

أحسبني يوم صافحـت ( الشعر ) ماني مكــثــّــر ..
وأثرني .. شلت الورق ..والحبر..والشعر وجنونه

وياسلام الله سلام ٍ من هجوس ٍ كـــــم تــكـــــدّر ..
دامكم تقرون ( آخـر ) .. فأنتم اللي تكــتبــونه

وآخـــرة صمت الظلام ..اللي لقا النور ..وتخــدّر ..
صرخة ٍ من خـاطـر ٍ ( يابـس ) وبـلـتهـا عيونه !!

وأنبتت .. شوق وجنون وشعر ..وأنفاس ٍ تكسـّـر ..
في ( دهاليـز الخفوق ) اللي لقى هـــمــه معــونه

تصطفق بـه .. والنوافذ ..والستاير ..بـه تسكــّـر ..
حافظ ٍ ( زول الغـبـار ) .. وذايق ٍ طعمه ولونه

يالسـان الشعـر .. شب النار .. في ثلجـي ووخـّـر ..
ملـت ( اخدود الدفـاتـر ..) من تجـمـدهـا بدونه

في محيـط الـغـرفـة اللي ( تشرب النور ) ..وتفجر !!
يرتعـد ( سقـفـي ) وتـنبت للندى زهرة مزونه

ليتـني ( طفل لـ تـناهيدي ) ..وجــوّي .. ماتعـكر ..
( وأنـتـحل شخصية التاريخ ) وافرح ( به ) واصونه

وأسكـن ( العالم ) واشوف ( الناس ) وأذكر وأتذكر ..
من ترك في ( حيز ) أحبابه .. فراغ ٍ يسكنونه !!

ايه شلت من ( القلق ) و ( الفوضوية ) ماتيســر ..
ليـّـن رتبت ( الرصيف ) بشـارع القلب وظنونه

ايه ( قدّرت الليالي ) والليالي ... ماااااا ( تقــدّر ) ..
ايه اضحك للزمان المـر .. وكشـّر لي سنونه

واحسبني يوم صافحت ( الشعر ) ماني مكثــــّــر ..
واثرني


شلت

الورق

والحبر

والشعر

وجنونه




آخــــر ..