[poet font="Simplified Arabic,4,darkred,normal,normal" bkcolor="burlywood" bkimage="http://soltan77.jeeran.com/images/222222.jpg" border="solid,2,indigo" type=1 line=200% align=center use=ex length=0 char="" num="0,black" filter=""]
من بين كل الناس قاصي وداني = لقيت أحلى روح في أطيب إنسان
حبً سكن في قلب مغرم يعاني= والحب مكتوب على قلب سلطان
سيطر على قلبي وهيج كياني = وأروى خفوق من سنا الشوق ولهان
جيتك وله والشوق لأجلك دعاني= الطيب أنتي والوفاء فيك عنوان
شاع الحلا في ليل حب سقاني= لهفة غرام وجوف بالحيل عطشان
يوم ان شاع النور بين المباني = والموعد اللي بيننا للقاء حان
شفتك وزاد النور واشعل مكاني = وغير مفاهيم المغني والألحان
الحان عشق وجو عاصف وأغاني = أحلى شعور بكل صبغات الألوان
المسك فاح وطيب عطرك كفاني = وأصبحت بين ورود فلٌ وريحان
ما غير اسمك يلتهج به لساني=وأقول انا مغرم وعاشق وهيمان
أناظر عيونك وأحاسب زماني= وأقول هذا الجيد واشلون الأغصان
ماقدر اعبر لو يحاول بناني = لحظات مرت كنت تايه وسكران
ليلة كتبنا الحب بأحلى المعاني= يا حلو لحظات اللقاء بعد حرمان
ومرت اللحظات مثل الثواني= ونسجت ذكراها بقلب ووجدان
نكهة كلامك واللقاء شكل ثاني = انت الوطن ماعاد لي غيرك أوطان
أنت الوحيد اللي سقيتك حناني= وسجلت لك في مكتب الحب ديوان
أنت الغلا وأنت الرجا والأماني = انت الحياة اللي لها القلب شفقان
اغليك حتى لو زماني جفاني = وحتى الممات اغليك ياعيون سلطان
[/poet]
ارجوا ان تنال اعجابكم
ابو فهد
العرض العادي
