ثــــلاث بنـــــــات .. ولكن ..!!
فاتن وفتنة وفتون ثلاث بنات وحيدات ابوهن وامهن
الا الاآن والموضوع طبيعي ولا فيه اي مشكلة
لكن هن من نعومة اظافرهن كان اللي يشوفهن مايشوف اي ملامح
للزين ويغسل يده ان هالبنات بيتزوجن
لكن امهن وابوهن كأنو مأملين انه مع الوقت بتتعدل خششهم وبيصيرن
مملوحات على الاقل
ومع مرور الزمن كبرن البنات وصغر امل الام والاب في جمال بناتهم
الكبيرة طق عمرها خمس وعشرين والصغيرة عشرين والوسطى ثلاثه
وعشرين سنة ومازالت الخشش كما هي وكأنهم محنطينهن
المشكلة كل ماجاهن خطاب اذا شافوا البنات انحاشوا لدرجة ان
شغالتهم انخطبت ثلاث مرات ورفضت والبنات ولا احد معبرهن
واللي اصابهن بعد بإحباط مرة جتهم حرمة بتخطب لولدها يوم قالت
اجل وين البنات <----- على بالها تبي تـختار
يوم دخلوا عليها فاتن وفتنة وفتون تغطت الحرمة تحسبنهم عيالهم
يوم درت ان هذولن البنات بغى يغمى عليها ولا درت وشلون تصرف
السالفة قالت ابد الله يسلمكم عيالي يلعبون كورة في السطح وطاحت كورتنا
عندكم ونبيكم ترجعونها تكفووون واذا ماتبون بكيفكم وعضت شليله
وانحاشت
بعد هالموقف امهن وابوهن غسلوا يديهم ان بناتهم يتزوجن
وذات مساء محبط اجتمع الأب بـبــناته الثلاث اجتماعا مصيريا لكي يحدد
موقفة من الوضع الحاصل
الاب وهو خانقته العبرة : يابناتي انا مااجتمعت بكن الا لأمر جلل امر قد
يتغير فيه مجرى حياتنا يابناتي مثل ماتعرفون انا ماقصرت مابقى الا
اسوي اعلانات بالتلفزيون واقول عندي بنات للعرس
يلعن ابو القهر حتى سويت عليكن عروض وقلت تزوج واحصل على تذكرة
مجانية مع اقامة لمدة شهر في جدة شاملة المصاريف
وياليت كذا بس لا وبعد ادفع 10% من المهر والباقي على اقساط
ميسرة واذا ماودك تتدفع مايخالف
والا الحين ماجاء احد يخطب جعلكم الخبطة <----- قفلت مع الابو
فاتــن : طيب يبة انا عندي اقتـــــراح ممكن اقولة ؟
ابــوهن : ايه يابنيتي قولي عشان كذا مجتمع بكم انا
فاتــن : ليه مانشتـــري قطـــار ونوقفة عندنا
ابوهن : وش نبي بالقطار وانا ابوك ؟
فاتــن : عشان اذا وقفناه خلاص مايفوتنا قطـــار الزواج
ابوهن وهو خانقته العبرة: اقول يابنيتي ياحلالاة الرشاش الحين والله الا
اشوى انك مااعرستي تستاهلين يالخبلة <---- قافلة معه
فتون : انا اقول يبة ليه ماتودينا لعيادة اللي يسوون فيها عمليات تجميل
يمكن يلقون لنا حل
ابوهن : هاه .. والله انك جبتيها يافتون عزالله انك جبتيها
ومن بكرة راح الابـــو وسوا حجز لبناته بالعيادة وعطوه موعد بعد
اسبوعين <------ الله من كثر الشيون عندنا
جاء اليوم الموعود ووصلوا البنات للعيادة وكان من حسن حظهم فيه
خبير تجميل فرنسي اتي اليوم وهو اللي يكشف على البنات
الطبيب بعد ماشاف البنات وجلس يشخل بهن ويتمقل ويدور له مخرج
والا زاوية ممكن يستغلها بوجيههن ماااااش تعب الرجال وحط يدة ورا
ظهرة ويده الثانيه جلس يحك بها راسة وباين عليه انه خانقته العبرة
المسيكين
خذا ابوهن على جنب وقال له : شوف انا لي خمسين سنة في
هالمجال ومر علي شيون لكن مثل بناتك والله ماشفت الا استغفر الله
يمكن وحدة اللي مره جتني وكانت اشوى من بناتك شوي ويوم يأسنا اننا
نزينها قالت اجل اقلبوني رجال اصرف
والحين انت مثل ماتعرف الوضع صعب ولا فيه امكانية يطلعن بناتك زيوون
والله لو تسلمناهن قطوعة ماقدرنا نصلح بهن شي
بلع ريقة ابوهن وطلع يجر اذيال الخيبة ومن خلفة بناته يجرن بعد
اذيال الخيبة بس هن زايدن معاهن اذيال الشين
عاد البنات مسيكينات مالهن صديقات ابد كان لهن صديقات اول لكن معاد
يشوفونهم يقولون نخاف تعدينا بالشين اللي فيكم
ادهرت فاتن بالانترنت ولابقى موقع زواج مااعلنت به : ثلاث فتيات يقدرن
الحياه الزوجية اخلاقهن زينة قسم بالله اخلاقهن زينة مرررررة <---- كلمة
زينه ماتنطبق الا بأخلاقهن بس يبحثن عن ثلاث ازواج وترا
عادي لو ان اللي يبي يعرس ماخذ ثلاث والا مطلق والا كبير مرة اهم
شي نعرس تكفوووون واللي يرحم والديكم
لدرجــة انها مــره كتبت في اول الاعلان : الى اصحاب القلوب الرحيمة
<---- من جد خنقتن العبرة
وفجأه
وبدون مقدمات
رن جرس البــــــــــــــــــاب <---- بالله اجل رن
ادري عادي رن جرس الباب لكن من اللي رن الجرس؟؟؟
الا والله ثلاث شباب مثل الورد ومعهم ابوهم ومشخصين ولا احلى
منهم
وبعد ماقلطهم الابو بالمجلس <----- اكيد بالمجلس اجل بالحمام
وقهواهم قال ابو الشباب : ابد الله يسلمك حنا يشرفنا ويسعدنـــا ويثلج
صدورنا اننا نطلب يدود بناتك <---- يدود جمع يد
ابو البنات بغى ينشل ومن الفرحة قام يحبب العيال وخربها الله يهديه
وقام يهز له شوي ثم استحى على وجهه وركــد
قال : الله يسلمكم والله لو انهن ذبايح ماعشتكم خلاص انا موافق وش
رايكم اجيب الشيخ يملكهم الحين <----- تحس انه متوهق في بناته
قال ابو العيال: كر كر كر كر <---- ضحكة واحد كاش الله يسلمك
والله ودنا لكن تعرف الجماعة وودنا نسوي زواج كبير ومطربات ومن
هالكلام اللي انت عارف لكن ودنا نخلي زواجهم بليلة وحدة وياليت
يكون بعد ثلاثة اسابيع
ابوالبنات: الله يسلمك اللي تشوف طال عمرك <----- من
الفرحة معاد يعرف يتكلم
الحين المشكلة شلون يوصل الخبر للبنات تعرفون عاد عقب
هالسنين وبعد مايأسن من العرس يجي يقولهن ترا زواجكن بعد ثلاثة
اسابيع وكلكن بليلة وحدة
المهم توكل على الله ودخل عليهن بالغرفة وهو مغمض وقال : يابنات
الله فرجها عليكم ولا تعلمون احد اخاف ينظلونكم ترا جاكم معاريس
شباب وكل واحد احلى من الثاني وترا العرس بعد ثلاث اسابيع
وبعد ماسكت ماسمع شي ابد ( طبعا هو الان مغمض ) ويوم فتح
عيونة والا البنات كأنهن العاب بغرفة وغد كل وحدة مغمى عليه
بجهه
ويوم صحن الا ويالله لك الحمد قامن يسون حركات مال امها داعي اللي
تحبب ابوها واللي تقول تعال ارق يبه على ظهري انا الحصان وانت
الفارس واللي من الفرحة قامت تسوي جمبااااز
وبعد 18 يوم يعني مابقى على العرس الا 3 أيام والبنات خلاص جهزن
انفسهن حتى ان فتون شرت ملابس لعيالها بالمستقبل
وفجأه
وفجأه
وبدون مقدمات
رن جـــــرس الهاتف
ردت الام : الو مين
اللي بالتلفون : مساء الخير انا ام محمد ام السعابيل جارتكم
هاك السنه عساج عرفتيني
أم البنات : هلا والله ومسهلا بام محمد وشلونتج يالقاطعة 17 سنة
ماشفناج اللهم ياكافي وشدعوا ياوخيتي؟
أم محمد : ايه لاهين بالدنيا ياوخيتي المهم ماعلينا اقول سمعت ان
بناتج بيعرسن على عيال ناصر ابو الطواري هو صدك؟
ام البنات : اي والله ابشرج وعرسهن بعد يومين وانشاء الله انك
بتجين ياعيوني مافيها كلام انتي مننا وفينا
أم محمد : هو هو هو الله لاتعاقبنا ماتخافين الله ترا ذولي عيال لطيفة
الصقها نسيتها وتـــرا عياله هذولا راضعين مــع بناتج جعلك
للفليت
أم البنات : بعد مارجع شريط حياتها بسرعة قدامها وذكرت كلبوا شي
وكلبو السالفة <---- طالعة من القهر هاه اي والله
طرااااااااااااااااااااخ <----- صوت السماعة وهي تنصك وينصك معها ملف
القضية رقم 455 اللي محتواها انتحار جماعي لعائلة مكونة من اب وام
وثلاث بنات
العرض الشجري
