السلام عليكم ورحمة الله وبركاته
مساء الخير اخواني واخواتي في منتدى الود
الموضوع ببساطة حتى لاأطيل عليكم الحديث
واحد من اخواني والله العظيم ماقد شفته في حياتي معصب مثل اليوم
ولا كنت في يوم اتوقع اني اشوفه زعلان والا معصب لانه انسان حبوب ولا يعرف الحزن ابدا" ولله الحمد
عموما" اقولكم السالفة باختصار:
اخوي راح البنك اليوم يبغى ياخذ دراهم من حسابه وكان المبلغ 10000 ريال زي منتم عارفين الصرافات ماتعطيك الا 5000 ريال بس وهو كان مستعجل ويبي الدراهم بسرعة المهم فيه بنك قريب من البيت وكان اخوي مبسوط لان الفرع اللي فتح بجنب الحي ريحه كثير من المشاوير الى الفروع الاخرى البعيدة زي منتم عارفين جدة وزحمتها المهم راح للبنك اللي قريب منا وطلب رقم وانتظر وكان الرقم 68 المهم يناظر باللوحة والا الارقام مرة رقم 55 ومرة تتغير اللوحة على رقم 12 واستغرب اللي حاصل لكن ماحاول يستفسر فانتظر ولحظات الا والارقام اللي من 12 بدات تزيد يعني ظهر رقم 13 وبعدين 14 و15 وهكذا ورقم 55 زي ماهو ماتغير المهم بدأ يستفسر من اللي جنبه والا اللي جنبه ماهو داري وش السالفة بعد قال خليني انتظر يمكن رقم 55 معلق في اللوحة المهم وبعد ربع ساعة وهو ينتظر والا يطلع رقم 56 ويطلع بعد معه رقم 22 اللي بدا من 12 فااستغرب اللي صاير فقام وسال حارس الامن ورد عليه وقاله هذي ارقام خاصة والا موظف من خدمات العملاء يسمعهم فقام وقال يااخوان اللي ماعنده بطاقة الوسام الرجاء لايتعب نفسه في هذا الفرع ويذهب الى الفرع الفلاني وايضا" الفرع الفلاني الثاني لانها تمشي الناس بسرعة خاصة" اللي ماعندهم بطاقات الوسام طبعا" حسب كلام اخوي انه كان فيه اكثر من15 شخص حالهم من حاله ماعندهم ارقام خاصة ومنهم واحد كبير في السن ويوم سمع هذا الكلام غضب وقال للموظف انا لي ساعة جالس ورقمي 59 ولا تقول الا الان ان فيه ارقام خاصة وصار نقاش حاد بين المواطنين اللي ماهم خاصين وهذا الموظف حتى تدخل مدير الفرع وصرفهم بطريقة دبلوماسية المهم طلع اخوي وهو شوي زعلان وقال خليني اروح للفرع اللي قال عليه الموظف وانه يمشي المواطنين بسرعة ماهو زي ابو ارقام خاصة المهم يوم وصل الى الفرع الثاني وكان بعيد والله عن منزلنا وجد اخوي نفس اللي في البنك الاول موجود في البنك الثاني والارقام اللي خاصة موجوده ايضا"
والله العظيم انه زعل وحاول يتفاهم مع احد موظفي خدمات العملاء ولكن للاسف رد عليه الموظف اذا ماهو عاجبك هذا النظام انقل حسابك الى بنك اخر والمفروض انك ماتقارن نفسك باصحاب بطاقات الوسام المهم صبر اخوي على هذا الرد القبيح لانه كان في حاجة الفلوس وانتظر من الساعة التاسعة وخمسة واربعون دقيقة حتى الساعة الحادية عشر وخمسة وثلاثون دقيقة علما" ان رقمه كان 330 ويوم جاء للبنك كان الرقم اللي موجود في اللوحة رقم 314 وطبعا" وجد اكثر من رقم في لوحة الفرع الثاني بسبب ان الفرع الثاني اكبر
عموما" تخيلوا معي حوالي الساعتين في بنك ومابين رقمه والرقم اللي وجده امامه الا16 رقم
ملاحظة بسيطة البنك هو البنك الاهلي التجاري فحبيت اطلق عليه اسم جديد وهو(((( الاه...........لي)))) طبعا" اه والف اه لاخي واه لكم ايضا" يامن لايوجد لديكم بطاقات الوسام
حسبنا الله ونعم الوكيل
اسفة على الاطالة ولكن انه لشي يحز في النفس ولو رايتم حالة اخي اليوم لرحمتموه
جميع ماكتبت حسب ماقال لي اخي واني والله اصدقه ولكن مابيدي الا الكتابة*2
وفي الختام ارجو من الجميع التعليق على هذا الموضوع بكل امانة وصدق
تحياتي لكم.
العرض الشجري
