يااصيله من جروح الوقت ماشي في سراب + وانغرس في نص صدري من قساوتها وثـن
يا اصيله لي زمانٍ مـا شبـع منَـي عقـاب + كل ما سجيت منّه طاح فـي ظهـري طعـن
يا اصيله ما يجي ذيب الفلا مثـل الكـلاااب + لو يعيش العمر كله فـي همومـه منسجـن
كان يرضيك ان ذيبك يندفـن تحـت التـراب + لجـل حبـك ثـم غلاتـك ليـه لا مايندفـن
لجل يلبسك القصايـد مثلمـا لبـس الثيـاب + لجل تبقين الاميره يالغـلا طـووول الزمـن
لجل تاتيك القصايـد مثـل ذرات الضبـاااب + والضباب اللي تشوفي هل من تحـت الجفـن
افرضي حسك وصوتك عن سما دنياي غـاب + بعدها ياكـل عمـري دمعتـي تنـزل لمـن؟
لو طلبتيني قوافي في شهـر بكتـب كتـاب + لو طلبتيني عيونـي قلـت لـك كـل البـدن
سطري شعرك وقولي واكسبي فينـي ثـواب + سطري شعرك وقولي وامسحي دمعة حـزن
سطريه وساعديني شاعـرك طايـح مصـاب + شاعرك مما جراله مـات جـذره والغصـن
تعرفين اني كريـم وعارفـك بنـت الذيـاب + وتعرفين ان وجه مثلي عنـد ربعـك ينظمـن
وتعرفين ان سحر عينك منّـه المسكيـن ذاب + وتعرفين ان قلب مثلي ظاهـره مثـل البطـن
اطلبي وآنا عطيتـك مـا طلبتينـي مجـاااب + اطلبـي قلـبٍ يحبـك لـن يـردك لا ولـن
اطلبي شاعر جعلها مهزلة(. سوق الحجاااب.) + من ثمان شهور واكثر قـال احبـك بالعلـن
انزف دموعٍ غزيره مثـل همـال السحـاب + الفـرح والله نسيتـه والحـزن فينـي سكـن
يعلم الله من همومي عفت زادي والشـراااب + هي هموم الشايب اللي خبّـر بفقـدة (.ابـن.)
شايبٍ يفقد وحيـده بعدمـا المسكيـن شـاب + في دقايق في ثواني شـاف ابنـه فـي كفـن
يااااا اصيله جـرح خلـك زاد والله التهـاب + لا تخليهـم يقولـوا مـات ذيبـك منغـبـن
جاك صوت اللي لقلبك ما معه في يوم عاااب + جاك شعر اللي يحبك مرسله فـوق الهجـن
ياااا اصيله جاك شعري والشعر يبغى جواب + شعر من دايم جروحه تغرس بصدره وثـن .
--------------
تحياتي
بقايا الليل
العرض الشجري
