+*^^*+ احــــلام الــــبــحــر +*^^*+

[+*+|خالد|+*+]

يوم من الايام...
خرجت من غرفتي تعبان...
داخل الصدر هم وكدر ووجع مليان...
لفيت كثير بها الدنيا..
امشي كلي حزن وقلبي اصبح من التعب كنه وسط سجن..
الدمع غطى وجنتي والبحر ينادي انا عونك بدنيتي..
وقفت عنده..
عند هذا البحر..
مشيت يمه وجلست في حظنــه..
يدي على خدي والصمت كثير حولي بان..
ساكت اداري علتي..
ساكت اخبي همي وعلى حب حسرتي ..
ساكت والبحر اصبح طبيبي واعز صديق بهالزمان...
يدي على خدي...
المكان خالي..
كن هالدنيا مابها بشر..
اختفى الصدق..
الوفاء..
الحب...
انشق واختفى....
فجاه مدري وش ذا اللي طلع قدامي..
هو حلم هو علم مدري..؟
حوريتاً من جمالها غصباً عليك تفز لها..
ماشفت في حسنها جمال..
الفم خاتم سليمان..
والعيون عاصمة للجمال..
الخدود على قولتهم رمان..
اغمض افتح عيوني...
قدامي ...
قدامي...
مدري علم ..
حلم..
علم..
حقيقه خيال..
قالت انت مين..؟
قلت ان قلب واحد يحترق بها الزمان..
قالت وش علتك..؟
قلت علتي من حبيباً مات الوفاء عنده..
وبالامس بيدي دفنته..
وغديت كل يوم ابكي وانام عند قبره..
بس غريبة من انتي وليه هالسؤال..؟
قالت انا عروس البحر...
اقولها وبكل فخر..
بصراحة اتعبني فضولي..
وسمعت صدى صوت التعب في قلبك والقهر..
واتعبني فضولي وطلعت اشوف صرخات هالقلب...
اللي افزعني وجن جنوني...!!
اسمع صدى عذابه وقهره وتعبه واحزانــه..
ومن ساعتها يااخوي النوم ماجاني..
واسفه اتعبني فضولي..
وجيت اسالك ...!!
امكن احصل لك طبيب مداوي..؟
قلت ونعم والف نعم بعروسنا ياهلا بااهل البحر..
ماتشوفين شر ولاتفزعين..
استسمحك بالنيابة عن عذاب القلب وعلينا لاتزعلين..!!
واعذريني ترى الجرح نار...
ودم قلبي على صدري انتثر و ثار..
مهنا فضول ولااعرف قاموس اسمه عذول..
مبدء عندي اعرفه. صراحه. صدق . وفاء..
وابشرك اضفت لها هموم وجروح هالبشر...
اسمعي وانا اخوك...!
طبيبي هو هذا اللي قدامي..
هو هذا حبيبي قلبي البحر...
هو صامت وانا ساكت..
هو ساكت وانا صامت..
استحمل همومه ويدفن همومي بقلبه وداخل (عموقـه )..
يزعل واراضيه يجفى واجي ملهوف له وابكي على خديــه..
دواي وانا اخوك لي تكلم هالبحر..
وقال عن همومه وفسر امواجه وعلمني عن عمومه وعلومـه..
قالت ..!!
(البحر اطرم او بمعنى اصح بالحكي عنده اعاقه )..
لاتتعب روحك هذا هو من انخلقت هالدنيا وهو صامت..
قلت...!!
..لا ..
البحر ماعنده ( اعاقــه)..
البحر بصمته وبهدؤه وبجماله...
هي ضحكه من عندنا..
وتزيح كل من رمى بوسطه همومــه..
البحر مثلي ياعروس البحر...
الناس عليه تخطي وكلاً يرمي بوسطه همومـه..
وهذا انا اداوي جروح غيري..
واجلس مليون جلسه قدام البحر لجل اداوي جروحي...
ابيع واشتري في حراج غرام الحب...
اشتري هماً واعجز ابيع هموماً..
اصرخ واقول في وسط حراج الحب..
اصرخ..
اصرخ..
من يشتري قلب مو على قولتهم همومه ملايين..
من يشتري قلب همومه بليار هم بوسط قلوب البشر..
من يشتريه...
ويرجع قلبي ويقول اراهنك اذا احد يشتريه..
العالم ماهم مجانين...
( تبي قلب كل واحد منهم يموت قهر باقي هالسنين)..!!
وسكت هالقلب بعد ماقاطع هالعروس....
قلت..!!
اسلمِ ياعروس البحر..
قالت...!!
عظم الله اجرك بموت وفاء من كان عشقك وحبك..
وشوف يااخوي..
احذر واسلم من حب هالزمــان..
صار لعبـة عليه تحذير يبعد عن متناول الاطفال..!!
تلعب بهالحب فتره..
وترميه وتبحث عن غيره وتخليه..
(مثل لعبه ملوا منها (الاطفال)..
وصاحوا على ابوهم يبؤن لعبه ثانية...
هذا هو الحب...
لعبه نلعب بها...
واذا مليان منها طلبنا ( لعبه) قصدي حب غيره..
لاتحب وانا اخوك...
بس حاول تحب هالدنيا وهالزمان..
(وعلى قولته اضحك تضحك لك الدنيا)..
اسفه يااخوي طولت لازم اروح..
فمان الله وجعل همك يروح..
قلت...!!
لحظه..
قالت نعم بسرعه..
قلت..!!
عروس البحر..
مالها قلب قد جاه يوم وانتحر؟؟..!!
قالت لاتعليق...!!
فجاه اختفت...
قلت وينك ياعروسنا..
وين اختفيتي..
وينك وليه على سؤالي مارديتي...
لاحس ولاخبر..
احترت يابحر...
معقوله قلبي بس انتحر...!!؟؟!!
جاوبني البحر وامواجه عاتيه ميته قهر..!!
حسيت صدى صوته من بعيد...
يقول ياخالد هذا هو حب الوهم والهم والقهر..
لاتهتم وانا اخوك خلك سعيد...
انت بس طالعني مع غروب الشمس..
وسامرني لحتى طلوع الشمس..
ولاتكدر خاطرك ناظر منظري . امواجي . صمتـي ...
وشوف قدام واضحك للدنيا وتحقق احلامك احلامي..
وراح صوته سكت..
مااسمعه..
كمل..
كمل..
كمل حديثك يابحر..
الله مزينه صوتك..
الله مزين طلوع وغروب الشمس باامواجك..
اوعدك والله اوعدك..
احقق احلامي واحلامك..
والحب خله يولي...
وياهلابك يابحر وين ماتسمابك..
والمهلي مايولي ...
وفمان الله الكريم ياامواجك..
ووصل كثير السلام على عروس بحر اوطانك...
ومع السلامه يابحر وانتبه لاتنام...
بكره لنا موعد مع احلامي واحلامك...























[SOUND]http://www.movn.net/tqasem/3azf-5.ram[/SOUND]