ويبقى كثير...

[سـجـــــــم]

وبعد اللي مضى...وبعد اللي أنقضى...
وبعدما الحب راح..وتبدل مكانه جراح..أش عندي بقى..غيرهم وموادع ودمع جرى..وذكريات عمر سرى..ووقت مرير..ويبقى كثير..
ولو بحكي كل الكلام..باقي ملام..وثار بيني وبين الأيام..وظلم وجورالأحكام.
وبعداللي مضى..وبعد النوى..
ولآخر أيامي وحتى أصير تحت الثرى..تبقى هوى..وياعسى تذكرني ياعسى..ولا تقول قلبي قسى ولانسى..ولو تشوف حبك في عيني ينقرأ..عندي أماني ياليت قلبك درى..وعندك محب يدعيلك رب الهدى..مشغول بك في صبحه والمسى..وبعد اللي أنقضى..هذا شي من كل شي..وهذا أمر المولى جرى.
وبأحمل الصبر صبر وبأصبره..وأذوق المر أيامي وبأبلعه..وبأعتبر الحلم سعاده وبأتبعه..وبأنتظر من يدور شتاتي ويجمعه.
وهذا اللي مضى..وهذا اللي أنقضى..
أمسي.. واليوم.. واللي ورى الورى..وبأكتب حتى حبري يجف..وعيني يصيبها عمى..وحتى ما شاء رب السماء..كتابات أدونها مصير عيون لها ترى...