بديت باسم اللي له الخلق يدعون &&& الخالق المعبود رب البريه
يالله رجيتك تفرج لكل مسجون &&& وتغفر لكل اللي وفته المنيه
وسلام لك ياغلي ألف مليون &&& كتب لك أبيات مني تحية
وكتبتها واطلب من الرب ترضون &&& عسى لك الخالق يرد الجزيه
يابوي لك بقلبي معزه فلاتهون &&& وتقدير خالص ياعزيزا عليه
عساك في الدنيا السعاده تعيشون &&& عساك يابوي بحالا هنيه
ماضاع شيء عند الولي لا تخافون &&& خل اتكالك فيه صبح ومسيه
بس استعن بالصبر عساك تلقون &&& عسى الولي ربي يحل القضيه
ياليت ربي يجمع الشمل وتكون &&& عيشة سعد عيشتك هنيه
ياليت ربي يفتح لكل مسجون &&& وإلا يجي زلزال بساعة عشية
أطلب من الي منه الخلق يرجون &&& خلف الحديد يكون يالله خليه
عشان ماتعيش امه بالحزون &&& وعشان أبوه يعيش عيشة رضيه
دعيت أنا لجلك وكه لك يهون &&& يابوي ساقتني عليك الحميه
خبر سمعته هلل دموع العيون &&& والشاهد المعبود ربي عليه
عساء الولي يرحم عبادٍ يصلون &&& عساء الولي يرحم عبادٍ وفيه
ختمت باسم اللي له الخلق ينصون &&& رفعت أنا يالله يمك يديه
العرض الشجري
