السلااااااام عليكم
شخباركم
انشالله كلكم اوكى
هذا موقف صار لى من فترة المهم مانى مطوله عليكم من زمان وانا اتمنى انعزم بعرس ومرتن من المراريت جتنى بطاقه من صديقتى تعزمنى على عرس اختها .....ما صدقت والله طرت من الفرحه وقعدت اطامر بصالتنا .... رحت اقرى لمامه ....اقرى =اجرى .على بالى اتفشخر بالحتسى المهم رحت لامى وقلت لها يمه باركى لى انعزمت
طالعتنى امى وقالت من بيروح معتس قلت ابد انا بس. ما فيه الابطاقه وحده طالعتنى من حدر لفوق ومن فوق لحدر كالعادة وقالت مافيه روحه بعدين اخوتس مب موديتس .......(اخوى الدب امرة سهل رفسه ببطنه واعطيه كم قرش وبودينى ).لكن المهم امى توافق
المهم قلت يمه احب راستس خلينى اروح من زمان مارحت لعروس
المهم حامت كبدى من الترجى والتحبب واخيرا وافقت وزارة الداخليه
جتنى الحين مشكله الفستان ما عندى شى .اذكر عندى واحد من زمان خيطته عند خياط (ابو تركى الطفران) بس مدرى ينفع والا لا
المهم رحت ادورة مع ملابسى القديمه الى من سنين ما لبست
واخيرا لقيته( هههههه ضحكت مستانسه )جا المغرب وقلت ابدن لازم اروح لكوفيره ابى اتزين واغدى كشخه رحت لمشغل الدنادش ودخلت على المديرة وقالت لى شو بدك ناظرتها من فوق لحدر يعنى انى متعوده على المشاغل والكونفيرات قلت ابى ازين شعرى
ردت السوريه اوكى مدام (انقهرت مدااااااااااااااااااااام؟؟؟؟؟؟؟؟؟؟)بلى يبلى هالوجه الى كنه مقلاة جتنى هاك الفلبينيه وقعدتنى على كرسى يدور تسنه ملاهى وربطت على رقبتى منشفه بلاستيك ....قالت
يبقى سنيون والا تسريهه التفت عليها وانا اغمض عين وافتح عين على بالى فاهمه ما ينلعب على
قلت سوى تسريحه تنشاف من كيلو ابى العرس كله يدرون انى رايحه للكوفيرة ردت بهاك النفس الخايسه تيب وعععععععععععع ريحتها بيض مسلوق واندومى بس اتحمل كل شى يهون من اجل التزين يمكن ربى يرزقنى وانخطب بهالعرس المهم كتمتنى الريحه ونفشت شوشتى ليما قلت اميييييييييييييييين وانا اتصبر .
طلعت من المشغل وانا منتفخ راسى شايفتن عمرى وما فيه اكشخ منى
جيت اركب السيا رة ابى ادخل راسى بالوانيت ما قدرت
قال اخوى طلعى راستس من الدريشه .قلت ايه والله ولاتخرب التسريحه
المهم طايرين من الدايرى لطريق الملك فهد وانا احس الهوا ينفخ بدمجتى ومتصبرة وصلت للعرس وانا حايمتن تسبدى والظاهر دخلنى براد مشيت مترنحه وقعدت على اقرب كرسى ابى ارتاح ما دريت الا وانا نايمه ما قومونى الا الساعه ثنتين قالو قومى اهلتس ينادونتس
قمت وانا ابتسم ابتسامه خجلى تعرفون وشلون اابتسامه الخجل عندى اميل فمى واكشر بسنونى من الحيا
والتسريحه منعفطه من الجنب طالعه كنى المخلوقات الفضائيه الى مع ويل سميث فى فلم مين ان بلاكالمهم من الفشيله ركضت للباب وازبر عباتى على راسى واطلع ادور اخوى وانا ابتسى قال اخوى عساتس انبسطتى
قلت ايه
قال يالله ايدك على حق البنزين وعشاى انا واصدقاى عطيته رشوته
وانا ابتسى قهر فاتنى الرقص والوناسه والى يومكم محد درى بالى صار معى ...
اقووووووووول ترو تونى جديده
ادرى رازة وجهى بقوة بس معليه
باااااااااااايو *r
العرض الشجري
