ديوانية البنات نبي منكم التعليق00000000000000

[عهـــــــــــود]

ديوانيه البنات
كيفكم إنشاء الله بخير
بصراحه حنا بحاجة لديوانيه نبي نسولف وكل انسان عنده مشاركه ينزلها او قصه قصيره او مشكله
نبي نحقق كلمه ديوانيه بكل ما تعنيه
ولا مانع من وجود الشباب مدام الكل ملتزم

شروط الديوانيه :
1/ اولا مراعات قواعد وضوابط الإسلام .
2/ عدم التجريح في أي انسان .
3/ مراعاة شروط المنتدى .
4/ فضلا لا امرا نبي المشاركه من الجميع.

اوكي

انا ببداء:

لوجاء العريس وش تسوين؟؟؟ للبنات فقط

لو مثلا انتي كنتي طفشااااانه ونايمه لظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تبي تبلي ولد الناس بك
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلس يمه تراني امزح على طول تصدقين
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل )
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )
المهم خلصوووووو وانتي بدا قلبك يفرفر اليوم الثلاثاء ويوم الخميس قريب


سؤااااااااالي هنا ابغى اعرف وش بتسوين من يوم الثلاثاء للخميس ويوم الخميس بالذااااات وش بتسوووووين ؟؟؟؟؟؟؟


ابي اعرف رايكم كلكم

تحياتي

ملطوووووووووووش

يالله نبى التعليق من الكل

*r

[جااااامعية]

بصراحة بصراحة في البداية بفرح الرياييل ما يتحصلون هالايام

ثانيا بستعد أولا شكلي و لبسي و ربعي من اعلم أول من وين أشتري ملابسي
الصالون و العزيمة كعامة

لكن بعدين بحس بالخجل من نظرات أخواني و خواتي
و حزن أمي و دراستي و كيف بنظم حياتي

المهم بيكون أسبوع حافل

بس خله يجي أول..

[الجــنتل]

ههههههههههههههه ما عندي رد لان اساس ما
عمري ما راح اشوف وش راح يصير
لان ما عندي خوات بس
اقول لكل البنات الي بالمنتدي
ان شاء كله وحده يجيها نصيبها ومع الانسان الي تحبه

وعقبالكم كلكم يالبنات

تحيااااااتي الجــنتـل

[غـــــــــــزل]

هااااااااااي ,,,

انااا عاد لاتسالوني والله بخليها طفره شي اروح اشتري ملابس شيك

واروح للكوافير وليش اروح عشان طخت وجهه

المهم بس ماراح اخليه يشوفني الين انا اشوفه اذا عجبني حياه الله

واذا ماعجبني يذلف عني تقال جاني ذحين

بس اما انتي ياعهود ماقلتي وش بتسوين,,,

بااااي تحياتي : غـــــــزل