يا زين الحب في جده..
في جده طيور الحب بتسافر
على الشاطئ والكورنيش الجميل
وتتلاقى على فرحة
وموج البحر يتكسر
ولون الحب يتغير
ومناديل الهوى تنتشر
وليل العشق في أبحر
على خطواتنا يصحى
وفي جده هواك خذاني
وسلمني إلى موجة ورا موجة
وخلى الدنيا ممزوجة
بذكرى عمر أهواها
ولا أحلى ولا أروع
من السهر مع القمرا
على رملة وفي الصحراء
بقرب البحر والساحل
وأنا وياك نتساءل
شيء عجيب يخلي الفكر يحتار
ومافية جواب يقدر يخلينا ننتظر
علم أكيد أنا وأنتي والبحر معنا
ليالينا جميلة
مليانة وفاء وحب وعشق
كنا بعز البرد لا جا البرد
بثوب المحبة نلقا الدفا
ونتدفى
وياما الدهر لوعنا بالأحزان
كان الشهر اكثر من أيامه يصير
هم وقهر
ولكن في جده ننسى الحزن
في لحظة لقى لما نلتقي ويابعض
فوق الحصير وعلى نور القمر
عقب الأخير وننشد عن أخبار المطر
في جده يازين الحب بين اثنين
لا عاذل جالس يحكي
ولا منا أحد يبكي
مغير عيون تزيد فتون
إذا حاول أحد يشتكي
وشفايف فيها حكي
ياحلو الحب في جده
والجلسة والضحكة
ياحلو العشق في جده
والركض على الشاطي
والطيور تسابق الفرحة
وتسافر مع فرحنا
في جده يازين الحب بين طفل وطفلة
في جده حبيب وحبيبة
واقفين والزمن يركض
مثل ركض السحاب
الساري في ليل الشتاء
مايندرى وين ولا تلمحه عين
في جده أمس انتهى يوم وراح
وابتدأ يوم وشمسه تغتسل
باللون الأصفر تنثر على أطراف حبنا
شعاع الذهب
في جده يازين الحب
ويازين اللقاء ويمكن نلتقي الاثنين
على راس الجبل تحت حبات الرمل
في جده حكاوي وحزاوي
على مد النظر بين الاثنين
في جده غيم ومطر
ووعد يجي أو مايجي
شوق يقول اقعد معي
ولا تروح وشوق يدفعني للرحيل
في جده صوت يناديني وصوت
يصيح بكره السفر
والنهاية قدر على مد النظر
تضحك وهي تبكي لا صار بكره السفر
وتكتب للهوى أحلى قصايد
وفي بحة الصوت الحزين حروفها
في جده حب جديد
في حياتي مثل ميلاد القصيدة
مثل غيمه برقها بعيني أشوفه
مثلها واطلب الله تسقي ربوعي
في جده يبدا معها موسم الفرحة
وتبعث بالأمل دنيا جديده
لكن الغيمة بعيده
في ليل جده الشوق والحنين
وفي آخره السفر الحزين
ياخطوة في صحاري الخوف
أنا لو وقتي في يدي
كان جلست وماسافرت
بس أحس الساعة ميعاد
والبداية رحلة الأحزان
والثواني وقت مابين اللهفة والحرمان
في جده أنا وأنتي
جديدين في هوى العشاق
ومستعجلين خايفين
مرت على جروحنا جروح
ومرت على قلوبنا آهات
وهي مستعجلة مثل الغيوم
اللي تجي وقت الشتاء
في أوله برد وضباب وليل
وفي أخره مطر ورذاذ وسيل
في جده فجرنا الدافئ دايم مستعجل
لا شافنا بليله وبلونه
غشانا النور في أقصى الزوايا
والطريق وانهال الشعاع على أجسامنا
ويشكي القلب على الفرقا ويبدأ الحريق
في جده وفي سماء الأحزان
يقطع زمان البعد ياهو طويل بالحيل
أطول من المجهول اكثر من المعقول
تحرجنا لحظاته ونبحر في دمعاته
لم الأسى والويل وياهو طويل بالحيل
ياماسحاب الشوق مر وتعدانا
وطال انتظاري وطال انتظارك
للموسم الثاني من غير حصاد
وطل الصباح وراح
مابين الميعاد والشوق
وحنا بقينا بعاد خايفين من المجهول
في جده وفي زحمة الناس
وحنا جالسين لا تتركين الليل
يرميني للأحزان فكيني من الهموم
ومن ظلمة النسيان
هاتي يديك هاتي وامسحي دمعاتي
خليني معاك لو لحظة أبقى في أحضانك
ابعدي عني المجهول
ودفيني من البرد
بجده ودي افهم وش ورى نظرة عيونك
بها شوق حقيقي ودي افهمه
بجده هو حبيبي هو رفيقي هو صديقي
بجده هو دنيتي الصغيرة هو عزوتي
بجده هو عشيري لي فقدت العشير
بجده هو عشيقي هو همومي هو عيوني
وفي جده وعلى الساحل الغربي
وسط الزحام وفي ليلة أول أمس
كنتي الأولى في عمري وكنتي آخر الأحلام
وكنتي منتهى الفرحة وكنتي شمعة الأيام
كنتي وكنتي اتعب اوصفك
اخذتيني لمدى مايعرف الدمعة
لدنيا حدها أقصى دروب الغيم
مكاني في روابيها مابين النجمة
والنجمة ويابختي فيك
وياحظ اللي لقى مثلك
وياحظ اللي عرف اسمك
وتخيل صوتك ورسمك
في جده وفي لياليها الدافئة
حسايف يالياليها القصيرة
حسايف يا ايامها القليلة
===========
العرض العادي
