القرادة في قصة النملة والجرااده

[أرينا]

هذي القصة من نسج الخيال عشان كذا لا تدققون واجد ... تتعبون ..

والحين اتركم مع السالفة راجية لكم قضاء وقت ممتع معها ( الخطوط السعودية ترحب بكم)




*******************

على احد الطعوس المتاخمة لبني الانسان .. انسدحت نملة على جنبها الايمن واتكأت على كوعها الايسر ( ادري ما تجي.. بس نملتي وانا حرة فيها ) وحطت رجل على رجل واشعلت قطفة المالبورو التي بحوزتها وجلست تمخمخ عليها وتروق الطاسة !!!
بدات تفكر في حياتها .. وتتذمر من وضعها ... وتقول ليت ربي خلق لي جنحان عشان اطير واشوف الدنيا ؟؟!! ....مليت ..... حياتي كلها تجميع اكل في الصيف ونوم في الشتاء ..... ودي اغير ..افففففففففففففف!!..
وفجأة وبينما هي كذلك .. واذ بها تسمع دويا يروع .. وما هي الا لحظات حتى غيمت السماء واهتزت الارض وبدأ الغبار يملأ المكان .. رفعت عينيها فوق واذا بصديقتها الجرادة تحوم فوق الافق ( الهليكوبتر ) ....
تلطمت النملة خوفا من الربو (----> تخبرون الغبار يسبب ربو ) .. وبدأت الجرادة بالاستعداد للهبوط كي تسلم على صديقتها النملة ( منذ مبطي ما شافتها )..... اخذت الجرادة لفتين على المدرج ثم انزلت قدميها وجاءت مدحدرتن باتجاة الارض بسرعة جنونية
-------->> مشتاقة للنملة بالحيل

قربعوااااا قربعوااااا ....... قربعووووووووووا
-- > اختل توازن الجرادة اثناء الهبوط وطاحت على جنب ..

رمت النملة بالزقارة ارضا وانطلقت مسرعة باتجاة صديقتها الجرادة وهي تصرخ
" اسلمي ,,, اسلمي "" ......
وصلت النملة ورأت النيران تتصاعد من الجرادة ( المحرك الخلفى اشتعل ) ..
تسسسسسسسسس ....تسسسسسسسسس .. تس .....فسسسسسسس
---> هذي النملة تفلت على الجرداة وطفت النار ((( يا نصبي )))
ساعدت النملة الجرداة على النهوض .. واخذتها بالاحضان
.. سلامات يالجرادة عسى بس ما تعورتي .....
بدات الجرادة تنفض الغبار عن جسمها وتشيك على الصندوق الاسود في مكانه ولا لاء
( ما ادري الهليكوبتر فيها صندوق اسووود ؟؟؟!! خخخخخ )) .. الحمدالله موجود
ثم قالت :: الله يسلمتس يالنمله وشلونتس .. عساتس بخير ..
بخير جعلتس بخير ياالجرادة , ...... وينتس بالقاطعه .. شهرين ما اشوفتس .. وكل ما دقيت تلفون بيتكم يقولون عندها رحلة !!! والله انتس قليلة خاتمة

والله يا النملة انتس على بالي كل يوم ... بس زي ما انتي عارفة انا كل وقتي في الجو والتلفون الثابت ما ني بقعد عليه واجد ..
طيب وراى ما تطلعين جوال . تراه رخص الحين وصار بــ 300 ريال بس
----->> النملة معها جوال عايلة
جوااااااال !!! انا حالفة ما اطلع جوال لو يصير بريالين ..
يابنت الحلال يلعبون علينا .. يخفضون الرسوم ويلعنون جدفنا بالفواتير
( دقة مهيب صاحيه على الاتصالات ... لاتفوتكم بس ))).........

المهم اتركينا من السياسة !! .... انت اعرستي ولا للحين ؟؟ >> هذي الجرادة تسال النملة
لا والله يا الجرادة .. ناوية اكمل دراستي ( صاروووخ ارض جو)
الله يوفقتس بالنملة .. بس تصدقين احسدتس من جد ..
على ايش يا حسرة
انتي حياتس كلها على الارض مرتاااحه .. ومبسوطة . ولا حوداث طيران ولا شئ .. مهوب انا اللي كل ما طرت مدري ارجع ولا لاء .....؟؟؟
.بالعكس ياالجرداة قسم بالله اني انا اللي احسدتس .. انتي كل شوي في طعس .. وتتطرين وتلفين العلمن مهوب انا اللي ما اعرف الا جحري والفتافيت اللي اجمعها كل يوم .. طفشانه من حياتي .. ودي اطير مثلتس واغير جو .. ياليتني بس مثلتس
فكرت الجرادة شوي وقالت
طيب وراء ما نتبادل .. انا اعطيتس جنحاني وانتي تعطيني جحرتس اسكن فيه
صااحت النملة ..... موافقه موافقه موافقة ( --> شيلوا التانيث من ذي .. هاه وش تذكرون )
في اليوم التالي
-
-
-
-
-
-
-
--
-
-
--
-
--
-
-
--
-
--
فارقت النملة الحياة بعد ان حاولت الطيران من فوق علية بيبسى مصديه .. وجت على خشتها ..
اما صديقتها الجرادة فقد تم العثور عليها مشنوقة عند جحر النملة بعد ان حاولت الدخووول اليه فخنقها المدخل

** الزبدة **
عندماااااا نرفض الواقع يعاقبنااااا القدر ( مقوله خربوطية مني ) .

وسلاااااااااااااااااااااامتكم

[كبسة]

هههههههههههههههههههههههههههه

أرينا مواضيعك فله مادري من وين تجيبينهم

بس كلها نمل بنمل بس روووووووووووووووعه

اما عاد هالنمله المقروده تكسر الخاطر


تحيااااااااااااااااااااتي

[فـــــارسـ]

هلااااااااا وغلااااااااااا
شكرآ اختي أرينا

على الموضوع معا انيما قريتها كلها بس احس انها حلوه
وشكرآ على الموضوع

مع تحيات اخوكي
فـــــارسـ

[نوفو]

كركركركركركركرررررررر
ههءههءههء
ومنكم نستفيييييييييييييييييييييييد
يعطيك العافيه
وتحيااااااااااااااااااتي

[فـــــارسـ]

سلاااااااااااااااااااااااااام ممكن اختي في موضوع انا ما اقدر ارسل الى
رساله كل 24ساعه

كيف ارسل رسائل كثيره كل مابين فتره وآخرى

ممكن اعرف كيف

[كتكـgggت]

رينا

ياحليلتس ويحليل موضوعتس*3

اقول وراء النمله تسذا تبي تطير <<< يازين حتسيه*3


اما متكيه على المركا والزقاره تمخمخ شيء

بس نهايتهم مؤلمه

خخخخخخخخخخخخخخخخخخخخخخخخخخ*8

سي يووووووووووووووووووووووو كت كت*3

[أرينا]

هلااا وغلااا بكبسه

يا عمري الاروع هو تواجدك في موضوعي


وبالنسبة للنمل لا تنسين نمولتى ابو سكسوكه هههههههههههههه

اما مواضيعي الفله على قولتك فهذي سر المهنه ههههههههههه
تحيااتي:
أريناا

[أرينا]

أهلين أخوي فارس

اولا العفو
ثانيا ليش ما قريتها كلهااا

ثالثااا ما فهمت سؤالك هل تقصد انك ما تقدر تنزل الا موضوع واحد فقط ؟
اذا كان مقصدك كذا فأنا منزله امس موضوعين واحد بالصباح وواحد بالمساء وما صار عندي اشكاليه بس مو تنزلهم سوى ى

رابعااا شكرااا على مرورك

تحياااتي:
أريناا

[أرينا]

نوووووفووووو
وربي مت على ردك ان شاء الله تستفيدي


تحياااتي:
أريناا

[أرينا]

[QUOTE]كاتب الرسالة الأصلية كتكـgggت
[B][COLOR=darkblue][ALIGN=CENTER]رينا

ياحليلتس ويحليل موضوعتس*3

هههههههههههههههههههههههههه ضحكتني

اقول وراء النمله تسذا تبي تطير <<< يازين حتسيه*3

تقول النمله انها قرفااانه من حياتها على الارض تبى تشوف الدنيا

اما متكيه على المركا والزقاره تمخمخ شيء

حتى النمل عندهم حركااات مهي سهله

بس نهايتهم مؤلمه

اهم شي الفائده من هالقصه

خخخخخخخخخخخخخخخخخخخخخخخخخخ*8

تحياااتي :
أرينااا