مساء الخير اخواني واخواتي
تعالوا معي خلوني احكي لكم قصة هالقصيدة
جلست اطالع فلم رومنسي اظن كان يوم السبت وتوني جاي من الشغل
وشوي الا وسرحت راح بالي بعيد اكثر من الازم
جالس على سيف البحر اطالع هالجزيرة الي قدامي والعب بالماي
ومرتاح البال الا اسمع صوت يناديني عامر عامر
واطالع الا ذيك البنت
قلتلها لبيه
قالت ماهو انت عامر
قلت ايه انا عامر
قالت سمعت انك تكتب شعر و ابي احاورك
قلت لكن انا ماتعرفت على اسمك
قالت انا اثار الشعر .
المهم سالفة طويله ماابي اتعب راسكم
وبدينا المحاورة
امير الحرمان :
جربيني بالهوى واعرفي معنى الهبوب
...........................................لاهبوب الا انا والعشق يشهد معاي
من يقول ان الهوى مارحم عامر كذوب
.......................................ذلك الظامي شرب من اغاديري وماي
كل ماقلت الهرب وادنى ياشمس الغروب
...................................فزلي فزة غضب وارتمى باقصى حناي
ذلك الذنب الشقي لو اتوبه مايتوب
..................................كم نطق قلبي كفى ولا نطق قلبه كفاي
هو انا ناقص اثم او ترى ناقص ذنوب
...................................ردي يااثار الشعر ياترى وشهو خطاي
اثار الشعر :
تستحي مني الحروف يا هوىً غالي عذوب
............................ويرتجف حتى الكلام وتسبق حروفي خُطاي
أدري يا فيّ المشاعر ادري يا دفء القلوب
...........................حب قلبك فاق وصفي والتحف ثوبي و دفاي
وكيف تهرب من مصيرك و أنت ما تقدر تتوب
...................................لا كفاك ولا كفاني ولا غرام من سواي
وما هو ذنبك ولا ذنبي ذنب نسمات الهبوب
.......................لي رست في وسط قلبي وقلبك الدافي معاي
الهوى والحب عمري لا اسم ولا هو ذنوب
.........................مو خطاك انك عشقت ولا هو يا عمري خَطاي
امير الحرمان:
اي نعم ماهو خطى عشقنا الطاهر يذوب
...............................خلني ذايب معك وانتي هم ذوبي معاي
اشهد انك شاعرة مابها ادنى عيوب
...................................وماظن اقدر بعد في مجاراتك هواي
يافديتك يالاثر والهوى غربي جنوب
...................................شرقيني واشملي لو تمنيتي ظماي
واتركيني للعشق يااتوبه او يتوب
.....................................او اسويله سحر يقلبه عازف لناي
ونسمعه يغني لحن لين مايصبح طروب
...............................اعطني حريتي ياالعشق واطلق يداي
المهم صحيت من هالغفوة ودريت انه كله خيال وان هالشاعرة ماهي الا
ااثار شعر .
العرض الشجري
