السلام عليكم ورحمة الله وبركاته ..
طفل ٍ ولكن في حضوري مهابه ..
عقلي [ كبير ] ومالتفت للتفاهات
ماني مثل جيلي ولامن صحابه ..
أميز الصالح .. من دروب الآفات
هرجي قبل ينقال : أحسب حسابه ..
بـ أوقات أحكي .. وألزم الصمت " أوقات "
أسكت عن الجاهل واجنّب : عتابه ..
ولايردّني عنّه سوى ( حشمة الذّات )
والاالرفيق اللي طريقه غدابه ..
أمدله عون الخوي بـ العسيرات
طلعت لامي بـ صبرها .. والنجابه ..
ومن والدي ماخذ دروس وشهادات !
فيني من طبوعي " هدوء _ وغرابه "
وفيني شموخ انسان عايش متاهات ..
بيني وبين الحزن دم وقرابه !
وبيني وبينك .. ياسعاده مسافات ’
على صغر سنّي أشيل الكآبه ..
وعلى ظهر متني أحمل الثقيلات
أصلي ( شمالي ) لوزمانه .. شقابه ,
يبقى وسيع الصدر رغم " الصعبيات "
متحمّل الدنيا بوسع ورحابه ..
ومتوكّل بـ ربّي , ورب السماوات !
ياللي تدور في سؤالك / إجابه /
إجابتي مضمونها قاف .. وابيات ..
أنا [ صغير ] وفي حضوري مهابه !
وانا الحزين اللي طعم فرحته مات ’
راق لي
دمتم بخيرات 
* شمُــــــــــوخ انسَـــــــــــان *||
العرض العادي
