اخــــــر اخبار القمه العربيه.... مع المراسل اوكيــــشن ... ادخل وضحك

[اوكيـــــشن]

أُختتمت القمة العربية اليوم تالي النهار والمقامه في شرم الشيخ في مصر وكان من أبرز مانتج عنها انهم نددوا وشجبوا واستنكروا وأدانوا كالعاده ،
وقالوا في آخر شي ان انحن ضد ضرب العراق ولانحنب مشاركين في أي هجوم ضدها ،
المهم انه مانتج عنه جديد كله هذر ٍ فاضي ..

بوش قاعد يناظر القمّه العربية في التلفزيون وهو يتنافض
يخاف يقولون له ترى ان ضربتَ العراق نبي نضرب أمريكا

وعلى صعيد ثاني يوم جاء دور القذافي عشان يلقي كلمته " أو خرابيطه بالاصح " قاموا يدوّرونه ولا لقوه ويقول
مراسلنا انه كان واصل الحمّام " وانتم بكرامه "
لأنه مفطر ٍ له على صحن فول كبر طاسة الكابرس التسعاوي ،وعوّره بطنه
المهم انهم روّحوا له واحد وطقّ عليه الباب وقاله هاه تبي تجي والا نطمرك ..
ولو ان انحن دارين ان ماعندك الا " الطـ .. " الحامي .. ولو تخلّيه في حمّامك كان أبرك لك ..

يا سلام الله على اللي تحرس القذافي

عـفّـط الضـابط لهـا ها البــدلة المكـوية


قال : " استنّا باقي فيني شوي باجي اكملوا عندكم " .. المهم انه جاء يسحّب رجليه وقعد على كرسيه وقال اني ماحضّرت خطاب
مير طرى لي تو وانا اهوجس في الحمّام بعض الطواري ولا مانع اني أعطيكم اياها ..
وبدا يدّهر ويحتسي ويقول مراسلنا انهم حاطّين مكرفون فوق ومكرفون حدر لأنهم مايدرون وين مصدر الصوت معه ..
وقام يحش في السعوديه ويقول انه يوم غزو الكويت اتصل على الملك فهد وقاله اني سمعت ان امريكا مرسله لكم جنود
وقاله ايه مايخالف لأن العراق يهددنا وامريكا صارت حامية لهالدول ،

أبو متعب (الله يطوّل عمره ) يقول للقذافي " ابلع العافية " والا سنّعت وقعك
وان انحن مستعدين بعد للتحالف مع الشيطان .. وهو يهذر .. قام عطيّ الله (أبو متعب ) الله يطوّل عمره ويخليه لنا وفتح المكرفون ..
وقال ( كل حتسيك مردود عليك .. السعوديه ديرة مؤمنة .. ومسلمه ولانحنب عملاء للاستعمار مثلك ومثل غيرك ..

أشوى انه توّه جاي من الحمّام والا كان يشخّ على روحه من الروعه
ثم سأله وقال .. من اللي جابك للحكم .. هاه ؟؟
ثم قال ابو متعب لاتم تحتسي في شي مالك في خصّ يالتسذوب .. والتسذب إمامك والقبر قدّامك) ..
ولا يوم " أسبط " هالسملّقي وطمّن راسه ولا انفس بكلمه ..

عمرو موسى يقول للصحفيين .. الله .. ابعدوا عنّي شويّه

البيان الختامي زيّ بيان القمه السابئة واللي أبليها ..
وان كان للقمّة حسنه فهو أن ابو متعب حطّ " حدّ " لهالسلق والسملّق
اللي " يطاطون " و " يخربطون " على غير سنع ، واللي ماعندهم الا الحتسي الفاضي ،
والهذر اللي ماله ثمره .. ولا جاء الجدّ الا ماعندك أحد !!
ويقول مراسنا ان باقي الرؤساء يوم قطعوا البث قاموا يعرضون ويردحون وقالوا في العرضه :

يوم قـام " مْعمّر " يطـاطي
علّمـه " بالعلم " عبـدالله
ارتكى .. وقال انت خرّاطي
أنت لاديـن ٍ ..ولا ملـّـه

ومانقول الا الله يحفظ لنا " أبو فيصل " و " أبو متعب " ويطوّل أعمارهم .. ويخليهم ذخر للاسلام والمسلمين ..

لوّهم جايبينه يختم القمّه بأغنية أنا بكره إسرائيل كان تمام

*8

[عربجيـــــــــه]

مشكور اخوي اوكيشن على الاخبار

صاير " قناةالجزيره" على غفله

[كل حزني]

مشكور اخوووووووووووي والقذافي رد عليه ابو متعب جعل ربي يطول عمره

[اوكيـــــشن]

عربيجيه افا عليك اكيييييييييد الجزيره هههههههههههه

كل حزني تسلم على التواصل

[ابراهيم]

شكرا لمراسلنا اوكيشن على هذه النشره الموسعه والمفصله تفصيل حلو بس لو خلى الجيب مخفي كان احسن*8 ابو متعب ماقصر ولو طولها القذافي كان انجلد*a بس اخذها من قاصرها وسكت *e عيال الحارة عندي جاهزين لو تقوم (غشنه )*5 بجيب عيال الحاره وارجع عشان عندي شغل*3 اتمنى من مراسلنا معاد يجب لنا اخبار سياسية....... يجب لنا اخبار زحف ولا مباريات الدوري الايطالي عشان احنا مالنا في الرز ولا في الطحين*r

[أبوها]

مشكور اخوي
اوكيشن..