البارحه ونيت من زود مابي
ونة كسير مالقى من يشيله
ياهم تكفى لاتزود عذابي
ريح خفوق ٍ مات سبت خليله
شفني اصيح الليل ماحد ٍ درابي
ماغير ربي ارتجي واشتكي له
راحت حياتي بين مخـلب ونابي
كل الملا صارت يديهم طويله
متعلق ٍ مابين السماء والسحابي
ومدفون حي تحت اراضي عليله
لاني الـلي عشت تحت الترابي
ولاني لهمي قمت ادور بديله
عجزت اميز بين خطاي وصوابي
وتعبت اشوف التعب وارجع واشيله
كل مافتحت الباب ينسد بابي
وكل درب ٍ امشيه اضيع دليله
حتى حظوري اشتبه مع غيابي
وحتى نهاري استوى مثل ليـله
ياويل حالي كان حظي غدابي
عزيل دمعي كان ماجف سيله
وياموت تكفى لايطول شبابي
ريحني دام الموت اسهل وسيله
ويالله يامنزل علـينا الكتابي
اشف الجروح الخافيه والعـليله
وان ماشفيت الجرح خذ مابقابي
والله احس الموت احسن وسيله
العرض الشجري
