احتكام الامر فالفكر الصغير=مايعدي راي فكره نظرته
يبلش الجاهل وراسه يستدير=ويعمي المبصر سوالف فكرته
ما الومه دام له نظرة غرير=مابعد شاف السنين وورته
يحسبنه لا غدى فالجو طير= كبر جنحانه وريشه سرته
لانويته بام تاجين القصير= طلقةٍ وحده لا جاته طرته
ويحسبنه لا غدى بدرٍ منير = يخفي شعاعه بقايا مرته
يمكن انه يصير لكن مايصير= شمس صبحه لا تجلت عرته
ما ارتكى للحمل ياكود البعير= والقطا تمحي الهبايب جرته
وما يسوم الغاليه معدم فقير = لو زكي الناس تملى صرته
عندي امثالٍ على حلمه كثير = كل ابوها فالنهاية زرته
يصبر لطعن العرب منهو يغير=من هجوسه للمهالك غرته
جاني وحقده مواقده الضمير= خافقه فيني يبرد حرته ؟؟
ايعقب ما دام لي سيفٍ شطير= ناس مثله من وقوعه برته
ضلع وابقى شامخ وصيتي كبير= تبطي قرون الصخل ماضرته
العرض الشجري
