الحب جائز على النت

[مـلك الاحزان]

اعزائي اعضاء ومشرفي هذا المنتدى الجميل
دخلت الى هذا المنتدى الجميل جدا ووجدت منكم ترحيبا يدل على انكم حقا اصحاب اقلام تبهر جميع المنتديات
وشاركتكم وشاركتموني ثم ابتعدت عن هذا المنتدى لوجود ظروف اجبرتني على الابتعاد عن النت باكمله

اعزائي واساتذتي كل منتدى دخلت فيه اجد من كل الاشخاص يعارضون على الحب عن طريق النت وانا لااكون الا مؤيد لكم ولكن انظرو ا

كسبت الرهان وياليتني لم اكسبه
كنت مع اصدقاء لي كلنا في موقع واحد وبالاخص كنا في شات (........)
نضحك وندردش كما هو حال غيرنا ونجتمع دائما في اي مكان لكي نتفقد بعضنا ونسال عن الاخبار المهم مره من المراة تجمعنا وكنا نتكلم عن الشات التي ندخل فيها واساله بيننا هل تعرف فلان وهل فلان يعرفك بالشات واكذب عليكم اذا قلت لكم باننا لاننظر للبنات فاسئلتنا هل فلانه تسطح معاك وهل فلانه ترد عليك وهذا حال الاغلبيه ولا احد ينكر ذلك
المهم كلهم اجتمعو على فتاه وقالو انها مستحيله وانها معقده ولاتسطح مع احد مهما كان قلت لهم عطوني النك نيم الي هي تكتبه سالني واحد وقالي والله لو تموت الا هذي ماترد على اي واحد قلت له انت بس عطني النك نيم وكثر الله خيرك كنت مثل ماتقولون ابي اثبت لهم اني اقدر اسوي الي هم ماسووه كلهم قالو صدقني ماتقدر وبس يضيع وقتك على الفاضي اضحك بالشات واستانس احسن لك قلت لهم يصير خير واخذة النك نيم
وبخل شيطنه حطيت براسي البنت هذي بالنت كله يعني اخذت وعد لو ماقدر عليها ماراح ادخل النت كله المهم مرة علينا فتره وانا من بعيد لبعيد مااحتك فيها بس المهم اخليها تشوف اسمي واتكلم بالعام لين حسيت انها صارت معي عادي لاني يمكن الشخص الي بعينها ماعمره ازعجها وهي ماتدري اني حاطها رهان
المهم تجرائت مره من المراة وطلبتها خاص بكلمه وحده وسكتت وتاخرت فتره وردة لي مجامله لاكثر وقالت لي وحلفت بربها لو واحد غيري ماطلعت بس انها تقول انت الوحيد الي ماعمره ضايقني وارجوك انسى الخاص وننزل بالعام وتبيني مثل اول على احترامي صدقوني حسيت انها صادقه وتاكدت بعد ماجاملتني وحسيت انها بالنت كله ماتاثق في اي شخص وهذا حقها وانا اايدها على كذا
المهم بعد فتره طلبت منها اني اكلمها خاص اخذ من وقتها دقايق وبعده ماراح ارجع لها او اضايقها وجت وكلمه مني وكلمه منها حسيت انها هي الانسانه الي جد ادورها من زمان انسانه متفهمه لابعد درجه انسانه مهما وصفتها ماراح اوفيها حقها المهم حسيت اني اذا ماشفتها كل يوم بالشات كان ناقصني شي وصدقوني مدري هذا يعتبر حب او لا والله مدري واذا على التلفون او غيره وربي مافكرت لانها عن جد اكبر من شغلة اني اكلمها تلفون او اني اقابلها وربي اكون جد انسان وقح لو فكرت اني اعاملها كذا بس مادري احس وربي انها تستحق مني كل وقتي
سؤالي لكم هذا يعتبر حب او لا ارجوكم نوروني لاني جد مادري بس هذا شعوري معها

وسؤالي الثاني معقوله انا انسان كذاب او مخادع معها او لا لاني وربي مدري

وسؤالي الثالث معقوله اني ظلمت بنت الناس لاني اطلبها خاص او لا وربي مدري مدري مدري

بس والله العظيم اتمنى اني ماتحديت اصدقائي واني ماشفتها من الاساس لاني جد لو قلتو عني ظالم اعتقد ماقدر اتركها وصدقوني اذا كنت معها ارتاح

وانا ماقلت لكم كل هذا الا لاني جد وربي احس انكم اخواني واحس اني محتاج لحل

اخوكم
*u ™¶§¤*™§™*¤§¶ملك الاحزان¶§¤*™§™*¤§¶™

الاخ ملك الاحزان الله يجعلك مللك الافراح ان شاء الله

اخوي
ممكن نتفاهم بكل رواقه وعقل وركز على عقل مو غريزه

سؤالك الاول:
هذا يعتبر حب او لا ارجوكم نوروني لاني جد مادري بس هذا شعوري معها؟
بنسبه انه يعتبر حب او لا فانا اقول لك ( لا )
انت شباب محروم من اشياء لازم تعرف هذي الاشياء الي انت محروم منها وشهي
محروم من الحب
اخطب اخوي وعامل خطيبتك بكل حب تكون على بينه
شعورك مجرد اوها لانك راهنت على هذي البنت وأعجابك بصدقها جذبك لها بس مجرد انجذاب يعني بيجي يوم وتتغير عليها ( مع الايام)
سؤالك الثاني:
معقوله انا انسان كذاب او مخادع معها او لا لاني وربي مدري ؟
اخوي كيف تتردد وتقول انت كذاب ومخادع
لو بلعقل اخوي انت مع نفسك وبينك وبين نفسك مو عارف انك تكذب عليها
انت تطلبها على انك ما تعرفها ولا شي رغم انك مسوي عليها رهان وكل اليوم قاصدها ومسوي عليها ثقيل
اذا اخوي انت تكذب عليها وعلى نفسك وتخدع نفسك وتخدعها
( اعذريني على كلامي طيب)

سؤالك الثالث:

معقوله اني ظلمت بنت الناس لاني اطلبها خاص او لا وربي مدري مدري مدري ؟
ايظاً متردد
اخوي انت بذمتك ما تناقش نفسك انك تلعب بشي كبير هو بنت وسبحان الله ان هذي البنت ما تدخل خاص مع احد يعني الله اعلم بظروفها وبلي هي فيه ووشهوا الي دخلها الشات
يمكن ضغوطات بيتهم ومالقت غير الشات تهرب فيه وتتسلا فهي في خطر ورغم مكافحتها للخطر انت مختفي من تحت وكل يوم تلمس قلبها وتطلع فبيجي يوم وتنظلم وتحبك وبذمتك قولي وش الي راح تسويه



اخوي
تبي الصراحه اذا انت ما تقدر تفارق البنت هذي وتبيها كل يوم قبالك
صارحها بكل الي صار بينك وبين زملائك وكل شي وعلمها انك كنت تتقرب منها شوي شوي
اذا اقتنعت وحبيتوا بعض وتقدر تتزوج البنت هذي اخوي بقولك كلمه هي لك ولكل الشباب ومنهم انا
ما فيه احد دخل الشات الا هو أبن ناس وأهله ما يرضوا عليه بشي ويحبوه وما يبوله الا الخير وما هو من الشارع
سواً بنت او ولد
وما يصلح نظلم البنات بس نقول ليه البنات يدخلوا النت
اخوي
الانترنت جزء من اجزاء الدنيا يتوفر فيه كل شي صالح وطالح
الانسان اذا يبي الخير يلقاه هو بنت ولا ولد واذا يبي الشر يلقاه هو بنت ولا ولد
وكل واحد من داخل نفسه وبينه وبين نفسه يعرف هو ليه دخل الانترنت من يوم يشغل الجهاز هذا حتى يسكره


انا طولت عليك ودخلت في مواضيع ما ادري هي تخصك ولالا بس فيه اشياء داخلي ابي اطلعها وسترسلت في موضوعك
الله يعينك اخوي وعساك استفدت من كلامي
خذ الي يريحك ولي ما يريحك هو موجود هنا عسا يستفيد منه غيرك
وعذرني اذا قسيت عليك ووالله اني اخ وما ابي لك الا الخير وايظاً لها
هذا اجتهاد وعساني ما اخطيت
والله من وراء القصد
اخوك:
صقر الشرقية