ا>وينكم ياهل البر <

[({ همس الغروب} )]

السلام عليكم ورحمة الله وبركاته

اخباركم عساكم بخير وعافيه وتزقحون >>> عسااه دوم ومديم يارب

وينكم ياهل البر زان الربيـع
والليالي اتونـس بمظهارهـا
زانت الخد والعشب سمكه رفيع
قالوا ام الرمم يشبع حوارهـا
سجت البر حلوه وتقضي سريع
مير يبقي على الحول تذكارها
حلوه خيامكم لا جتمعتوا جميع
في فياضٍ كما الزل نوّارهـا
والمسير يسيّر وصدره وسيـع
يم نـاسٍ ترحـب بزوارهـا
\
\

مثل ما تعرفون مر علينا موسم البرد ومرت علينا اجواء ما شاء الله تبارك الرحمن وعشنا
في اجواء ربيعيه واخذنا نرتب التجهيزات لطلعت البر والمكشات

ويازين شبت الضو والجمعه حولها

ويحلى الهرج والمزوح

ولا جا اليل نبتدي الصفق والرقص وكلن يجيب القصيد الي عنده

وغير قصص اهلنا الي قبل يااازينها

ولا جا النهار يازين طلعت الشمس الي ترد الروح

ويالله نبتدي هروجنا وكلن يقول وش كان يسوي بطلعت البر واكيد لا تخلى من المغامرات والمواقف

ارحبوووو

يالله انك تحيهم اقلطوا....