اسهل عملية حسابية بالعالم هي :
1+1 = 2
صح ؟
ليه طيب ؟
انا اقولك , اساسك بهالعملية الحسابية ممتاز و كامل عشان كذا صارت عليك العمليه سهله جدا
يعني كل شي بالحياة له أساس اذا عرفته زين و بشكل كامل قدرت تنجح فيه بكل بساطة
ايضا دايم نسمع اذا فشلت اي مشاريع تجاريه او تعليميه او اجتماعيه اول سبب ان الاساس خطأ
طيب خلونا نتقل لمحور آخر من الامثله ..
كثير من الناس يقرأ كتب لاسباب السعادة او انه يسمع نصايح من ناس خبراء او كبار بالسن عشان يعيش بسعادة
بس بالأخير تلقاه امام موقفين :
الأول: انه يطبق التعليمات اللي قرأ او سمع عنها لكن دون اي فائده ( ما فيه شي تغير )
الثاني: انه لما يجي يطبق ما يقدر فيه شي يمنعه ( تأجيل , كسل , عدم معرفه , نسيان , الخ... )
صح ؟
ليه طيب ؟
انا اقولك , اساسك بالحياة خطأ لذلك اي شي تخططله او اتقرأ عنه وتبي تطبقه ما تنجح فيه
اضبط اساسك وبعدين اي شي تبي تطبقه او توصله صدقني راح تنجح
لا تتعب نفسك انا بقوللك أساسك ..
فيه نوعين من الاساس :
الاول: وهو نشترك فيه كلنا ( وهو اللي راح نتفصل فيه ) .
الثاني: هو خاص فيك راح تكتشفه بعد ما تنجح في النوع الاول اللي كلنا نشترك فيه .
الأساس اللي كلنا نشترك فيه و المفتاح الاول للحياة هو :
لو سألتك ..
ما هو اهم اهم شي بحياتك ؟؟
اكيد بتقول صلاتي لأنك تدري ايش ورا هالصلاة
طيب لو سألتك سؤال ثاني ..
ما هو اكثر شي اهملته بحياتك ؟؟
برضوو بتقول صلاتي لنك تدري ايش ورا هالصلاة
اكثر شي مهم بحياتك هو نفسه اكثر شي اهملته بحياتك ( هل هذا تصرف عاقل ؟؟ )
كلنا درسنا عن احكام الصلاة ونعرف زين كل فضائلها و عواقب تركها عشان كذا ما راح أتكلم بهالجانب
بتكلم بجانب اهم..
كثير من الناس يعررف زين اهمية الصلاة وبرضو يعرف زين عواقب اهمالها ونفسه لو يحافظ عليها
ومع ذلك مو قادر انه يسوي اللي نفسه فيه
برنامج تلفزيوني اروع برنامج شفته بحياتي ممتاز للناس اللي ودهم يحافظون على الصلاة بس مو قادرين
برنامج يخليك تعشق و تتلذذ بصلاتك و هالشيء واضح من اسمه
برنامج : كيف تتلذذ بالصلاة ؟
البرنامج ناجح جدا و حصل على اعلى احصائيات المتابعة
نقلت البرنامج قناة الكويت وبعد نجاحه المبهر نقلته قناة mbc
مالك اي عذر يوتيوب وشفه بالوقت اللي يناسبك
اذا حافظت على صلاتك عيش حياتك زي ما تبي
و لتكن خطتك مع هذا البرنامج الرائع:
1 - الرغبه القوية في الاستفاده من هذا البرنامج
2 - الاستماع الجيد لكل ما في هذا البرنامج
3 - تطبيق ادق التفاصيل فيما ستسمعه في البرنامج
ملاحظه " الموضوع مو للناس الملتزمه بالدين الموضوع للشباب و البنات اللي نفسهم يحافظون على اهم شي بالحياه بس مو قادرين "
تذكر: بعد ما تنجح في اساسنا الاول اي شي بالحياة راح يكون بسيط و سهل و لا تنسى ان تبحث عن اساسك الشخصي و صدقني في ذلك الوقت بيكون سهل جدا ان شاء الله
اساسك لتسعد بحياتكـ ..!
العرض العادي
