كذبة أبريل

[شبل العبادل]

لـو تنشـد الملعـب ومعـه الـكـوره


من هو الذي يستاهل (( الأسطـوره ))


قالـوا : علامـك ذا سـؤالٍ يـطـرح


رح قلّـب التاريـخ واقـرا سـطـوره


تاريـخ ( ماجـد ) غيـر لازم يبقـى


في كـل شهـر يمـرّ يعقـد ( دوره )


أو داخـل التعلـيـم يــدرج منـهـج


ويشـرح علـى الطـلاب فالسـبـوره


حتى يحفـظ الكـل سيـرة ( ماجـد )


لـو أنّهـا بيـن العـرب مشـهـوره


إعلامهـم مقـهـور ربــي يعيـنـه


و( ماجد ) موقّـف غصـةٍ فـي زوره


اللـي يبـون اليـوم طمـس الـواقـع


عشان يطلع نجمهم في الصـوره .. !!


( إبريل ) شهر الكذب .. وسط العالـم


وإعلامهـم كـذّاب طــول شـهـوره


حطوا لهم ( كذبة ) .. وصارت ( نكتة )


كـلٍ ضـحـك للنكـتـة المنـشـوره


بـه ثروتيـنٍ فـي أراضـي بــلادي


فـي فهـرسـة تاريخـنـا مـذكـوره


( النفـط ) .. بلحالـه يسمّـى ثــروة


وانضم لـه ( ماجـد ) وسّـوى ثـوره


لبيـه يـا ( ماجـد ) .. ولبّـى فنّـك


لبيه .. لو بعض العرب مقهـوره .. !!


مـا قـد سمعتـك تفتـخـر بألقـابـك


تفخر بك الألقـاب يـا ( الأسطـوره )


تخيلوا لـو كـان مـا بـه ( ماجـد )


كنّا بنبطي مـا عرفنـا الكـوره .. !!

منقول