بسم الله الرحمن الرحيم
السلام عليكم ورحمة الله وبركاته
بنات العز والجميلات المترفات اللي شايفات خير
واضحة من عبايتها النظيفه المتربه الغير ملفته
ويمكن بعد الساعة أو الشنطة اللي ماركتها معروفة
والشاب هنا ما يملك وقت ما يشوفها إلا أن يهلل عليها
ويدعي لها بالستر و لبركة ويحترمها
وغالباً تكون جاية للسوق مع اختها ولا اخوها الصغير
تبي اغراض وتمشي تدور على محلات
ما يلفت انتباهها غير البضاعة
وهذي في الغالب تكون جميلة
ولو هي كما يقال عادية الملامح تجملها النعمة و طباعاها
وشياكتها وثقتها بنفسها
ولو وقفت قدامك للصراف تشوف معها فيزا وكم بطاقة صراف
ويحتمل صورة طفل أو طفلة في غاية الجمال
وتشوفها لو وافقتها في خروجك من السوق
تركب مع زوجها الشاب الأنيق
أو صالون جديد مضلل يسوقه اخوها اللي في الثانوي
ولا فان جديد مع السواق وغالبا يكون معه زوجته محرم
لكن اللي تلبس عباية مخصرة وبأكمام ضيقه
وتحط على شوشته كرتون تكبره وعدسات
ونقاب واسع ومكياج فسفوري
هذي على طول احكم عليها بالنقص الحاد في مقومات الجمال
وإذا وقفت قدامك بتحاسب عند الكاشير
تشوف ميتين وخمس وعشرين ريال ملفوفات على بعض
كنهم درابيل الكويت وكم ريال صرف
وفي المحفظة صورة ياسر القحطاني
ولا جواد العلي وبطاقة سوا مستعملة
وتحس فيهم عدم النظافة اقصد النظافة الحسية
يعني اذا مروا من عندك حط الشماغ على خشمك
والمشكلة إذا شافت واحد مرتب انهبلت وبدت ترفع صوتها وتترزز
يعني بجد تحس انها فقدت السيطرة على النزر اليسير المتبقي مع عقلها
وإذا هذا الشاب ترفّّع عنها
وإلا ما انتبه اصلاً حاولت تضايقه وإلا تسبب له مشكله
والله بأي تجمع إذا شفتهم
انظر لهم بعين الرحمة والشفقة واتوقع انها بعد شوي بتشحذ
وإذا طلعت تركب مع ددسن مليان بشر
وإلا صالون طقاقات موديل 82
وإلا في بعض الأحيان ليموزين متقاط فيه سبع بنات
الصورة اللي انقلها لكم لتوضيح نظرة الشباب
يعني هم يتوقعون انهم يلفتون النظر
والحقيقة انهم عكس ذلك
لا نشمت لكن نقول يارب تصلحهم وترزقهم
طبعاً لا علاقة لكلامنا هنا في الغنى والفقر
كم من فقير أو فقيرة متدين فاضل وكم من غني أو غنية منحل فاجر
لكن الكلام على اللي نشوفه
في التجمعات من حدائق أو مجمعات أو السوق
السؤال للبنات : هل ينظرون بنفس نظرتنا هذه أم أن لهم نظرة أخرى ؟؟
انتظر الإجابة
أشوف البنات كذا
العرض العادي
