السلام عليكم ورحمة الله وبركاته
نزل أحدهم على رجل ضيفاً يريد الزواج من ابنته فقال له ابو البنت :
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
ابو البنت/ وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
ابو البنت / ما لك لوا ... هذا سعر البترول .
طـيـب ... من هو اللي يصلي النافلة ويترك الفرض ؟
الضيف / المجنون .
ابو البنت / صدقت ... هذي الموظفة اللي تخدم الناس وتضيع زوجها وأولادها وبيتها . طيب ... وشو الشيء اللي تسمع به ولا تشوفه ؟
الضيف / هذول الجن والعفاريت , الله يحمينا وإياك والعروس .
ابو البنت / قرّبت ... هذي الميزانية اللي يأكلونها الجن والعفاريت .
من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب .
ابو البنت / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات .
وش الدولة اللي فيها رئيسين ؟
الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين
ابو البنت / شفت إنك ما أنت داري بشي ... هذي بيوت اللي ينادون بمساواة المرأة بالرجل. طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .
ابو البنت / ما عندك سالفة ... بوش على الذمة , ما تشوف كيف فسر لنا كلمة " إرهاب " وكل العالم وافقوه إلا طالبان.
الضيف / أجل , الله يستر لا يجي اليوم اللي يفسر لنا فيه معنى التوحيد والإسلام
ابو البنت / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة !
ابو البنت / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!! طيب ... منهم الأبرياء اللي يجوز قتلهم ؟
الضيف / ما فيه .
ابو البنت / هذول ... المسلمين ، ما تشوف لما قتلتهم أمريكا في أفغانستان ، و قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، لكن لو إن المسلمين قالوا ما يمكن ندمر اقتصاد أمريكا إلا بقتل الأبرياء مثل ما صار في مركز التجارة العالمية ، كان عارضهم العالم كله حتى المسلمين ، وهذا اللي صار مع إننا ما قلنا شي .
إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع )) وبعدين البنت باقي تدرس وعمرها لا زال 35 سنة وباقي صغيرة على الزواج!!
--------------------------------
منقول بتصــــــــــرف
ولكم مني خالص الود
اخوكم ومحبكم
ضحيـــــــــة صمـــ(راكان)ـــــــــــــت
المملكه العربيه السعــــــــوديه
الرياض
العرض العادي
