بسم الله الرحمن الرحيم
السلام عليكم ورحمة الله وبركاته
هنآ زآويه سأتركها لكل من عبر هنآ لاأريد رد المجامله
هنآ أريد ردود صريحه ردود جآده
هنآ نبي الجوآب اللي يشفي القلوب
مانبي كل وآحد يخفي شي نبي نعرف ردك بكل صرآحه
واذا انت تستحي انك تتجرء وتقول نعم اانا العب مع بنات الناس
واللي يلعب مع أختي انهي حيآته وأنفيه من على وجه الأرض
ليش وبنت الناس اللي انت الحين جالس معها تسولف معها خلف ألأستآر
مالها أخوآن مثل أختك ...؟
حقيقه تؤلم القلوب
ليش نمشي ورآ الشيطان ونتبع خطوآته
ليش مانشوف البنت انها أخت مو فريسه ننهش لحمها ...
ليش .. وليش .. وليش
ليش لما تشوف بنت تمشي ورآك مآتردعها عن الغلط وتنصحها والله ساعتها هي بتستحي من نفسها
ليش تنسى ان الدنيا دوآره ...
خلونآ نفكر بالعقل ونترك شهوآت القلب
خلونآ نتذكر ان ورآئنآ حساب وجزآء
خلونا نطهر قلوبنآ
خلو قلوبنا على بعض نخاف على بعض
وكل وآحد يستر على الثاني
والله ساعتها بنعيش بأمآن
العجيب
قبل فتره صديقتي تحكي لي
تقول ان صديقتها ولد عمها يحبها ومن ورآ أهلهم يكلمون بعض
طبعآ هالولد نيته زوآج بس بينهم مشآكل
والعم رفض الزواج نهائيآ
هي متعلقه بولد عمها تحبه لدرجة الجنون
لدجه وصلت انها قالت له أخطفني
هو صد عنها ووش قال
أسف انتي بنت عمي وقريبه لي
ماأقدر انا ببعد عنك مآقدر أتعرض لك أو اخون اللي بينآ
لو أني ماأعرفك يمكن اسوي اللي تبين وأخذك ويمكن العب فيك بعد
كلام يعور القلب صح ولا لا ..
كلام نضع جنبه علامات أستفهآآم وتعجب ؟؟؟؟!!!!
يعني عشانها بنت عمك لا ماتقدر
لكن بنات الناس لا عادي تلعب بشرفها ........
...
أخرى لعب فيهآ شآب لدرجه تعشقه أصآبها مرض السرطأن
لكن الحمدالله رحمة ربي وآسعه
طبعآ رغم لطف ربي بها الا انها ماتابت
تدروون وش قالها خلاص انتي جيبي اي شي عشان نسحر أهلك
وأتزوجك لأنه من برآ قبيلتها وأهلها مايزوجونها
وبعد كل هذآ رآح وخلها بعد أش مالعب فيهآ
وينك من عقآب ربك والبنت ليش تنقاد ورآ الشيطآن
يعني لازم تكون هي العبره
يعني ماتشوف البنات اللي قبلها وش صار لهم
أدري طولت عليكم بس شي يعور القلب والله
نسمع ان البنت سمعتها أهم شي لو رآحت رآحت البنت
البنت كالزجاجه ان انخدشت خلاص صارت لاأهميه لها ويمكن مصيرها الدفن حتى لو حيه
البنت لاتملك كرامتها بل كرامتها وسمعتها
هي ملك لأهلها
هل ترضين أن اهلك كرامتهم تووصل للأرض..؟
هل ترضين أن والدك وأخوانك يمشوون منزلين روسهم..؟
حرآم عليك هذآ حقهم عليك
الغريب ان اغلب البنات يعرفوون اللي يسوونه خطا بس تنساق ورآ الكلام المعسول
الكلام الخآدع
الى ان تصبح فريسه سهله بيد ذلك الذئب
وهاالذيب البطل الفارس الشجاع اللي غرر في البنت
نسى أخوآته لو هم بمكان هالبنت وش موقفه ......؟؟
بعض الشباب يجيب عذر ويقول الحمدالله ماعندي أخوآت
طيب
ماعندك عمات
خالات
هذولا مو محارمك
بكره تكبر تتزوج مايجيك بنات
هنآ بوجه أسئله لكل شآب ولكل بنت ياليت تردوون عليها بكل شفافيه
الشاب...
مآهو مفهوم شرف البنت عندك ....؟
ليش تغازل البنت وتعاكسها تسهر لأخر الليل معها تقابلها بس تشوف اختك تثير ثائرتك..؟
اذا عرفت ان اختك تكون صداقات مع شباب يكونون هالشباب اعدائك ولاتحبهم وقد تعاقب وتضرب وتعصب على اختك
طيب لحظه
صديقاتك اللي انت مسوي صداقات معهم بالنت هل هم أقل من أختك يعني ...ولا بنات الناس لعبه....؟
الفتاة...
هل تتقبلين ان تكوني وجبه لذيذه في فم كل عابث يتباهى بك امام زملائه وانه فعل معك كذا وكذا ..؟
عندمآ نوجه أسئلتنا لشباب ليش تسوون كذآ جآوبهم ان انتي فتنتيهم ليش ماتغيرين من طريقة لبسك تغيير عباتك ماتدرين انك بس لو فتنتهيم تاخذين اثمهم عدي شوفي
كم مره طلعتي للسوق وكم مره فتنتي رجل بطريقة لبسك ...؟
بعيني صرت أشوف البنت هي اللي تعاكس الولد والله انه بعيني وش معنى هذا فصخنا الحيا يبنات حوآء وحفيدات خديجه وعائشه ...؟
هنآ أقف وأتمنى أشوف كل الفئتين ترد على موضوعي بدون مجاملات وكذب نبي الصرآحه
تعبنا من ردود المثاليه الي مالها فايده
نبي نلاقي حلول نبي نثبت قلوبنا
وجدنا هنا كي نتعاون على فعل الخير وأزالة الشر
للأمآآنه أقتبست العنوان من موضوع قرئته في بريدي فقط العنوان اما محتوى المووضوع
بقلمي
محبتكم / مـــ الشوق ـــلاك
هل بنآت النآس لعبه وأختك مكتوب على جبينها ممنوع اللمس...
العرض الشجري
