انا ودي اقول اللي احسّه داخلي واحكيه=كلام وكثر ماشفته أبد ماقد حكينا به
اعلّمه الهوى وشلون في قلبي . وليه أخفيه ؟=أعيش الحب في قلبي وأخلّي القلب يشقابه؟
أحس إن الحكي عادي ولا شفته أضيّع فيه=إلامنه حكى بالقول ضعت وصرت الهابه
أخاف إليا درى بالحب يذبح عاشق ٍ مغليه=يجبره الغلا يبعد . أعرفه زين وأدرى به
أعرفه لاضوى له حب خاف وصدته تطفيه=خايف لايعيش الحب يفقد فيه اعصابه
وانا مثلي ثقيل الطبع كلمة فالهوى تكفيه=ماني باللذي شرّع لقول الحب أبوابه
يكفيني شعور الحب ورد ٍ فالهوى نجنيه=ولامن شافته عيني أشوف الخد وأهدابه
وأناظر بسمته ليّه و وقّف ماقفي ماجيه=لجل الناس لاتدري تجي بالهرج تبدابه
يزيدون الحكي فيّه وعن درب الهوى تلهيه=ياخذ موقفه منّي يقرر فيه مجنابه
وأنا مالي أبد حيله ولا حل ٍ اجي مبديه=أسلـّـم للهوى أمري واقول الصبر من جابه
صبرت وخاطري مكسور وصرت القلب به مِبْلِيه=لاني خاطري فاضي وبعت القلب لحسابه
وعشت إف.دنيتي كنّي بلا قلب ٍ خلي نعطيه=او حتى عشان الرّوح في هالوقت تحيابه
هواجس خاطري واجد . ولا أعرف كيف انا برضيه=ارد القول في صدري واشقه دايم إخطابه
اروّح ناوي الكلمة واقول القول له بحكيه=وارجع والكلام اللي نويته ماحكينابه
العرض الشجري
