هويت الشعر من صغري هويتـه
وبغيت أجحد غلاه ومـا قويتـه
عشيرٍ صار عشقه غصب عنـي
مع العربان..بـان وُذاع صيتـه
أشوف الشعر روحي واكسجينـي
واشوف الشعر نبعـي لاضميتـه
واشوف الشعر هو دقـات قلبـي
تـروق وتنتظـم لامـن قريتـه
واشوف الشعر هو منفس همومي
وجليس الأنـس لامنّـي دعيتـه
وصديقٍ من عرفتـه ماهجرنـي
يجـي وقـت الشدايـد لابغيتـه
يواسي حزني ويمسـح دْموعـي
ويشـرح خاطـري لازان بيتـه
يشاركني الفرح في كـل ساعـه
يذكّرنـي حضـوره مانسيـتـه
يجينـي مندفـع لازاد شـوقـي
وعلى حسّ الغلا والـود جيتـه
يعبّر عن شعـوري فـي طلاقـه
يقول اللـي أبـي لـو ماحكيتـه
فديته شعـري وجملـة حْروفـي
غلاي وذاتـي وعمـري فديتـه
منقول
دقـات قـلبي
العرض الشجري
