اسعد الله واقاتكم بكل خير
الحقيقة قبل شوي لفت انتباهي
صورة رمزية لـ مذهله!
واعجبتني كثير
ومشكلتي قلبي خضر
فهيضتنا وكتبنا فيها قصيدة
وطبعاً كل إنسان وذوقه
حتى مايزعلن علينا البنات
الوكاد
فيه مقولة مشهورة
تقول : ( انا اشهد ان العذارى بهن فرق )
ولا ادري هل هي من الشعر! ام من الحكمة!
المهم! إليكم ماجنت مذهله
صحيح من قال العذارى! بهن فرق!= مدري شعر .. مدري حكيم ٍ نطقها
مدري ومدري من سرق ناظري! سرق= صورة..! ومدري كيف شاعر عشقها
مدري من اهل الغرب والا من الشرق= آية جمال وجل من هو خلقها
ان اشهد انه احرقت خافقي حرق= في وجهها اللي غار منه حلقها
روح ٍ خفيفه بإبتسامه كما البرق= زاد بحلاها زود تلعة عنقها
تمايل بخفه كما رفرف الورق= فوق الغصون اللي تمايل ورقها
كن الأنوثه! غارقه وسطها غرق= هي درس للأنثى! وربي فرقها
مالوم من قال العذارى بهن فرق= مدري حكيم! او شاعر ٍ قد نطقها
وسلامتكم
العرض الشجري
