(=) إن جيتي لي عينً غطا وعينً فراش (=)

[الـعـاطفي]

يسعد الله اوقاتكم بكل خير وفرح ووصال وسرور


هذي القصيدة له قصة!!


كنت البارح برالي حايل..


فكنا في مخيم وكان فيه شخص مقرب لي كثير..


فأخذت اسولف لهم واقصد لهم...


فقال لي:


كانت لي حبيبة.. وتركتني..


فنسيتها ..

ومسحت رقمها..


فأخذت ترسل لي رسائل..

وتقول لي:


شف!


حتى لو تركتك!!


لا تفشي اسراري؟؟


وانسني وخل عندك كرامه..


فيقول:


انا نسيتك اصلاً ونسيت رقمك وكل مايخصك..


فكيف تتهميني بالخيانة!!


فكانوا على هذا المنوال


اتهام ورد الإتهام..


فقلت له ترى البنت تحبك يافلان


قال كيف تحبني وتتهمني..


قلت يابن الحلال وسع صدرك..


والله لو ما أنت!! تحب هالبنت!!


لما انفعلت امامي هكذا..



فضحك الجميع..




الوكاد


قلت قصيدة في هذا الموضوع




تقول:

إن جيتي لي عينً غطا وعينً افراش= وإن رحتي بدعيلك عسا الله يرعاك
ذي حكمتي مادام راسي لكم عاش= وإن مت!! يبقى الخير ذكري بدنياك
هذي ترى كنز القناعة ولك كاش= لو تأخذي منه شوي زالت نواياك
لا.. تسيئي بي ظنك!! ولاني ولد لاش= ولاني دنيء النفس لا قلتي مابغاك
بسك!.. تهم.. أرهقتي لي فكر منداش= شوفي! ماخنت الزاد وحنا ما لحناك
قلوب البدو أطهر وأبيض من الشاش= طبع البدو يابنت يــبــهــج محياك
بعطيك شور ً زين ولاني لكم غاش= أنسي بأنك تعرفيني وأبنساك
ولا..! تكرهين الحب! مــا انباع ببلاش= اكرام نفسك.. في هواها ومشهاك
واخر كلام.. إن جيتي عيني لك فراش= وإن رحتي يالمزيونة.. فـ الله يرعاك

وسلامتكم


بندر الرسام